no images were found
गब्बरपासून ते मोगॅम्बोपर्यंत, सोनी सबच्या ‘पुष्पा इम्पॉसिबल’ मालिकेतील कलाकारांनी त्यांचे सर्वात गाजलेले बॉलीवूड खलनायक उघड केले आहेत, तर दुसरीकडे पुष्पा तिच्या सर्वात आव्हानात्मक प्रतिस्पर्ध्याशी झुंज देत आहे
सोनी सबवरील पुष्पा इम्पॉसिबल प्रेक्षकांना सतत खिळवून ठेवत आहे. कदंबरी (ब्रिंदा त्रिवेदी) हिच्या अखंड कारस्थानांमुळे पुष्पा (करुणा पांडे) आणि तिच्या कुटुंबाचे आयुष्य अधिकाधिक कठीण होत चालले आहे. मालिकेतील सर्वात प्रभावी विरोधकांपैकी एक ठरलेली कदंबरी, सेटवर एका मजेशीर चर्चेचे कारण ठरली कलाकारांनी आपल्या लहानपणी पाहिलेल्या बॉलिवूड खलनायकांविषयी आणि त्या अविस्मरणीय अभिनयांविषयी आठवणींना उजाळा दिला ज्यामुळे प्रेक्षकांना त्यांना आवडूनही द्वेष करावा लागला.
भव्य संवादांपासून ते अविस्मरणीय स्क्रीन प्रेझेन्सपर्यंत, कलाकारांनी त्या आयकॉनिक खलनायकांची आठवण करून दिली ज्यांनी हिंदी सिनेमाचा एक काळ परिभाषित केला आणि आजही लोकप्रिय संस्कृतीत कायम आहेत.
शानाया ची भूमिका साकारणारी मुस्कान बामने म्हणाली, “माझ्यासाठी तो मोगॅम्बोच आहे, मिस्टर इंडिया मधला. जरी मी हा चित्रपट नंतर पाहिला तरी त्याचं व्यक्तिमत्त्व, त्याचा आयकॉनिक ‘मोगॅम्बो खुश हुआ!’ संवाद आणि त्याची भव्य परफॉर्मन्स अविस्मरणीय ठरली. तो फक्त भितीदायक नव्हता, तर त्याच्यात इतकी स्टाईल आणि करिष्मा होती की नजर हटवणं अशक्य होतं. हेच एका आयकॉनिक खलनायकाचं खरं वैशिष्ट्य आहे.”
चिरागची भूमिका करणारा नितीन बाबू म्हणाला, ““लहानपणी मला शोले मधला गब्बर सिंग खूप आकर्षक वाटायचा. तो असा दुर्मिळ खलनायक आहे ज्याचे संवाद आजही दैनंदिन संभाषणाचा भाग झाले आहेत. ‘कितने आदमी थे?’ हे वाक्य आजही लोक लगेच ओळखतात. हा एका अविस्मरणीय पात्राचा प्रभाव आहे. तुम्ही त्याला घाबरायचात पण त्याच वेळी त्याच्या ताकदीने लिहिलेल्या आणि साकारलेल्या भूमिकेचं कौतुकही करायचात.”
अश्विनची भूमिका करणारा समरिध बावा म्हणाला, ““मला नेहमीच अंदाज अपना अपना मधला क्राईम मास्टर गोगो खूप आवडला आहे. तो पारंपरिक खलनायक नव्हता, पण तो प्रचंड विनोदी होता आणि ज्या सीनमध्ये तो होता त्या प्रत्येक सीनमध्ये धमाल करायचा. आजही मी ते सीन पाहतो तेव्हा हसू आवरत नाही. हे दाखवते की कधी कधी खलनायकही हिरोइतकाच मनोरंजक आणि लक्षात राहणारा ठरू शकतो.”
