no images were found
‘त्या’ विकृत शिक्षकास अटक; २३ पर्यंत पोलिस कोठडी
पन्हाळा : पोर्ले तर्फ ठाणे (ता. पन्हाळा) येथील मुलींच्या प्राथमिक शाळेत शिक्षक असलेल्या नामदेव मारुती पोवार या शिक्षकास पन्हाळा पोलिसांनी रविवारी अटक केली. पन्हाळा पोलिस निरीक्षक अरविंद काळे यांनी दिलेल्या माहितीनुसार, त्या विकृत शिक्षकाला पन्हाळा न्यायालयात हजर केले असता 23 नोव्हेंबरपर्यंत पोलिस कोठडीत ठेवण्याचे आदेश दिले आहेत.
मुलींच्या प्राथमिक शाळेत शिक्षक असलेल्या नामदेव पोवार या नराधम शिक्षकाने आपल्या शाळेतील अल्पवयीन विद्यार्थिनींचे लैंगिक शोषण केले आहे. जिल्हा परिषद शिक्षण विभागाने या शिक्षकाची तातडीने चंदगडला बदली केली आहे. या विकृत शिक्षकावर पन्हाळा पोलिसांनी पोस्को कायद्याअंतर्गत गुन्हा दाखल केला आहे. त्याला पन्हाळा न्यायालयात हजर केले असता 23 नोव्हेंबरपर्यंत पोलिस कोठडीत ठेवण्याचे आदेश दिले आहेत. अधिक तपास सहायक पोलिस निरीक्षक शैलजा पाटील या करत आहेत.
