एसटीच्या मागील चाकाखाली सापडून महिला ठार

कोल्हापूर : रस्ता ओलांडत असताना एसटीच्या मागील चाकाखाली सापडून कदमवाडी येथील महिला ठार झाली. नकुशी बाबुराव हुंबे (वय ५७, रा. कदमवाडी, साळोखे मळा) असे या महिलेचे नाव आहे. रविवारी सकाळी मुक्त सैनिक वसाहत रोडवर  ही दुर्घटना घडली. सकाळी लहान मुलांना अंघोळ घालण्यासाठी नकुशी हुंबे घरातून बाहेर पडल्या होत्या. त्या  मुक्त सैनिक वसाहत येथे रस्ता ओलांडत असताना एसटीच्या मागील चाकात सापडल्या. एसटी चालक तसेच उपस्थित नागरिकांनी गंभीर जखमी  महिलेला  तात्काळ शासकीय रुग्णालयात हलविण्यासाठी  प्रयत्न केला. परंतु  उपचारापूर्वीच त्यांचा मृत्यू झाला. या घटनेमुळे परिसरात हळहळ व्यक्त होत आहे.