no images were found
वर्कशॉप विभागाची स्थायी समिती सभापती विशाल शिराळे यांच्याकडून पाहणी
कोल्हापूर, : महापालिकेच्या वर्कशॉप विभागाची स्थायी समिती सभापती विशाल शिराळे यांनी आज सायंकाळी पाहणी केली. यावेळी वर्कशॉपमधील जुना स्क्रॅप तातडीने काढून त्याचा लिलाव करण्याच्या सूचना त्यांनी संबंधित अधिकाऱ्यांना दिल्या. यावेळी सहायक आयुक्त विजय पाटील, वर्कशॉप प्रमुख संजय भोसले, अभय तेंडुलकर, राजू पागर, महेश महाडीक व सुधीर राणे उपस्थित होते.
स्थायी समिती सभापती विशाल शिराळे यांनी वर्कशॉपची संपूर्ण पाहणी करून विविध विभागातील कामकाजाचा आढावा घेतला. तसेच वर्कशॉपमध्ये येणाऱ्या अडचणी जाणून घेत संबंधित अधिकाऱ्यांना आवश्यक त्या सूचना दिल्या. प्रत्येक विभागीय कार्यालयासाठी स्वतंत्र टँकर, जेसीबी, डंपर व रोलर उपलब्ध करून देण्याबाबतही त्यांनी निर्देश दिले. त्यामुळे प्रभागातील विकासकामांना गती मिळण्यास मदत होणार आहे.
तसेच १५ वर्षांची मुदत पूर्ण झालेल्या २७ वाहनांचा शासनाच्या अधिकृत कंपनीमार्फत लिलाव करावा. महापालिकेतील सर्व विभागांमधील स्क्रॅप काढण्याचे नियोजन करून, या प्रक्रियेतून महापालिकेला मिळणारे उत्पन्नातून नविन वाहने व व्हाट्सअप ला आवश्यक ते साहित्य खरेदी करण्यात यावे अशा सूचना दिल्या.
