हल्लेखोरांच्या गोळीबारात  इराणमध्ये ५ ठार तर १० जखमी

आज इराण येथील एका सेंट्रल मार्केटमध्ये बंदूकधारी हल्लेखोरांकडून बेछुट गोळीबार करण्यात आला. या गोळीबारामध्ये ५ जणांचा मृत्यू झाला असून आणखी १० जण जखमी आहेत. यासंदर्भातील माहिती इराणच्या IRNA वृत्तवाहिनीने दिली आहे.  दक्षिण-पश्चिम इराणमधील इजेह शहरामध्ये बेछुट गोळीबाराची घटना घडली आहे. इजेह या शहरातील एका सेंट्रल मार्केटमध्ये हल्लेखोरांनी अंदाधुंद गोळीबार केला आहे. हल्लेखोर दोन मोटरसायकलवरून एजेह शहराच्या सेंट्रल मार्केटमध्ये येऊन त्यांनी उपस्थित लोकांवर आणि सुरक्षा दलांवर गोळीबार सुरू केला,  यामध्ये 5 जणांचा मृत्यू झाला असून 10 जण जखमी झाले आहेत. परंतु आतापर्यंत या हल्ल्याची जबाबदारी कोणीही स्वीकारलेली नाही.