कोल्हापूर महापालिकेकडून अतिक्रमणे हटविली

कोल्हापूर : बुधवार दिनांक 16/11/2022 रोजी कोल्हापूर मध्ये काही भागातील अतिक्रमण हटविण्यात आली. सदर कारवाई मा. प्रशासक बलकवडे मॅडम यांच्या नेतृत्वाखाली व अतिरिक्त आयुक्त नितीन देसाई यांच्या आदेशानुसार शहर अभियंता नेत्रदीप सरनोबत यांच्या मार्गदर्शनाखाली करणेत आली.

सदर कारवाईमध्ये  खानविलकर पेट्रोल पंप ते कलेक्टर ऑफिस, बसंत बहार रोड, महावीर गार्डन परिसर आदित्य कॉर्नर येथील विना परवाना हातागड्यादेखील  जप्त करणेत आल्या. तसेच विनपरवाना शेड काढणेत आल्या. ही कारवाई सकाळी 9 ते संध्याकाळी 5 वाजेपर्यंत चालू होती. सदर कारवाईवेळी 9 केबिन हातगाडी जप्त करणेत आल्या. तसेच 19 शेड काढणेत आले व 7 टपऱ्या स्वतः मालकांनी काढून घेतल्या. सदर कारवाई सचिन जाधव अतिक्रमण अधीक्षक, सजन नागलोत कनिष्ठ लिपिक, मुकादम रविंद्र कांबळे, शरद कांबळे, राजू माने आणि  अतिक्रमण पथकातील कर्मचारी  यांचे सहकार्याने पार पाडणेत आली.