चैत्र यात्रेचा उत्साह शिगेला: जोतिबा डोंगर सज्ज, ‘सहज सेवा’ अन् भक्तीचा मळा फुलला!

Oplus_131072

चैत्र यात्रेचा उत्साह शिगेला: जोतिबा डोंगर सज्ज, ‘सहज सेवा’ अन् भक्तीचा मळा फुलला!

कोल्हापूर/वाडी रत्नागिरी:”जोतिबाच्या नावानं चांगभलं”च्या जयघोषात दख्खनचा राजा श्री जोतिबाची चैत्र यात्रा अवघ्या दोन दिवसांवर येऊन ठेपली आहे. गुलालाची उधळण आणि पालखी सोहळ्याचा हा नेत्रदीपक सोहळा अनुभवण्यासाठी देशभरातून लाखो भाविक डोंगरावर दाखल होत आहेत. या पार्श्वभूमीवर प्रशासन, ग्रामस्थ, पुजारी आणि सेवाभावी संस्थांची तयारी आता अंतिम टप्प्यात आली आहे.
*प्रशासन आणि सामाजिक संस्थाची अहोरात्र मेहनत*
यात्रेच्या नियोजनासाठी जिल्हा प्रशासन आणि पोलीस यंत्रणा सज्ज झाली आहे. भाविकांच्या सोयीसाठी पिण्याचे पाणी, आरोग्य सुविधा आणि दर्शन रांगेचे चोख नियोजन करण्यात येत आहे. देवस्थान समिती आणि .पुजाऱ्यांनी मंदिराची स्वच्छता व सजावटीचे काम पूर्ण केले असून, व्यावसायिकांनीही आपली दुकाने थाटली आहेत.
गायमुख परिसर भाविकांच्या स्वागतासाठी सज्ज झाला असून, तेथे भव्य मंडप, परिसराची स्वच्छता आणि पार्किंगच्या जागेचे सपाटीकरण पूर्ण झाले आहे.
*’सहज सेवा ट्रस्ट’चे अन्नछत्र: सेवेचा महायज्ञ*
यात्रेच्या काळात येणाऱ्या हजारो भाविकांच्या प्रसादाची सोय करण्यासाठी ‘सहज सेवा ट्रस्ट’ नेहमीप्रमाणे तयार आहे.
ट्रस्टचे अन्नछत्र २९ तारखेपासून रात्री भाविकांच्या सेवेसाठी सुरु होत आहे. साहित्याचा आवाका प्रचंड असल्यामुळे आज पहाटेपासूनच ट्रक भरण्याचे काम युद्धपातळीवर सुरू आहे. हे साहित्य डोंगरावर नेऊन तिथे उतरवून घेण्याची प्रक्रिया जोमाने सुरू असून, स्वयंसेवक उत्साहाने कामात गुंतले आहेत.
       ट्रकच्या फेऱ्या, साहित्याची मांडणी आणि स्वयंपाकघराची तयारी पाहून यावेळचे अन्नछत्र अधिक सुंदर असेल याची प्रचिती येत आहे.भक्तांच्या सेवेसाठी सर्वच थरांतून लगबग
केवळ प्रशासनच नव्हे, तर अनेक समाजसेवी संस्थांनीही यात्रेत आपले योगदान देण्यासाठी कंबर कसली आहे. डोंगराच्या पायथ्यापासून ते शिखरापर्यंत प्रत्येक कोपऱ्यात चैतन्याचे वातावरण आहे. अन्नछत्रा जवळील पार्किंगच्या जागांचे सपाटीकरण झाल्यामुळे वाहतूक कोंडी कमी होण्यास मदत होणार आहे.अनछत्राचा लाभ घ्यावा असे सर्व
जोतिबा भक्तांना ट्रस्ट तफै आवाहन करण्यात आले आहे.