no images were found
कोल्हापुरात खूनसत्र सुरूच, वडणगे फाटा येथे तरुणाचा खून
कोल्हापूर : कोल्हापूर जिल्ह्यात गेल्या काही दिवसांपासून खुनाच्या घटनामध्ये वाढ होत आहे. काही दिवसांपूर्वी तिहेरी हत्याकांडाची माहिती ताजी असतानाच कोल्हापुरात आणखी एक धक्कादायक घटना समोर आली आहे. मित्राला जेवायला नेत त्याच्यावर धारधार शस्त्राने वार करून खून केल्याने कोल्हापूर हादरले आहे. किरण दिनकर नाईक (वय 38) असे खून झालेल्या तरुणाचे नाव आहे. खुनाचे कारण अद्याप समजू शकले नाही.
मंगळवार दि.८ रात्री वडणगे फाटा येथे खून झाल्याची घटना समोर आली. किरण दिनकर नाईक (वय 38) असे खून झालेल्या तरुणाचे नाव आहे. खुनानंतर आरोपी स्वतः पोलिसात हजर झाल्यानंतर हा प्रकार उघडकीस आला. खुनाच्या घटनेमुळे परिसरात एकच खळबळ उडाली. घटनेची नोंद करवीर पोलीस ठाण्यात झाली आहे. दरम्यान या खुनाच्या घटनेने चिखली परिसर हादरून गेला आहे. किरण नाईक हा शेतकरी कुटुंबातील आहे. मंगळवारी रात्री तो मित्रांसोबत गेला होता. या दरम्यान अचानक कोणालाही याची खबर नसताना एकाने किरणवर तीक्ष्ण हत्याराने खून केला. खुनानंतर स्वतः आरोपी पोलिसात हजर झाल्यानंतर हा प्रकार उघडकीस आला. खुनाची माहिती मिळताच पोलीस तातडीने घटनास्थळी दाखल झाले. घटनास्थळी किरणचा मृतदेह रक्ताच्या थारोळ्यात पडला होता. घटनेची माहिती पोलिसांनी किरणच्या कुटुंबीयांना दिली. किरणच्या पश्चात आई-वडील भाऊ असा परिवार आहे. किरण अविवाहित होता. पोलिसांनी तपास सुरु केला असून अद्याप खुनाचे कारण स्पष्ट झाले नाही.
