no images were found
राजकीय पक्ष व उमेदवारांसाठी महत्त्वाच्या सूचनाउमेदवारांच्या माहितीसाठी राज्य निवडणूक आयोगामार्फत माहितीपुस्तिका
कोल्हापूर(प्रतिनिधी) : राज्य निवडणूक आयोग, महाराष्ट्र यांच्याकडे महानगरपालिका सार्वत्रिक निवडणुकांचे अधिक्षण (Superintendence), संचालन (Direction) व नियंत्रण (Control) यांचे संपूर्ण अधिकार निहित आहेत. त्या अनुषंगाने राज्यातील महानगरपालिकांची सार्वत्रिक निवडणूक प्रक्रिया राबविण्यात येत आहे.
महानगरपालिका सार्वत्रिक निवडणुकीसाठी विविध राजकीय पक्ष, आघाड्या / फ्रंट तसेच अपक्ष उमेदवार निवडणूक रिंगणात उतरण्यास इच्छुक असतात. अशा सर्व इच्छुक उमेदवारांच्या माहितीसाठी राज्य निवडणूक आयोगामार्फत माहितीपुस्तिका तयार करण्यात आली आहे. या पुस्तिकेमध्ये निवडणूक प्रक्रियेसंदर्भातील महत्त्वाच्या बाबी सोप्या व समजण्यास सुलभ भाषेत मांडण्यात आल्या आहेत.
निवडणूक प्रक्रियेसंदर्भात वेळोवेळी निवडणूक विभागामार्फत प्रसिद्ध करण्यात येणारी अधिकृत जाहिर प्रकटन, सूचना व परिपत्रकांचा इच्छुक उमेदवारांनी अवश्य अभ्यास करावा. सदर माहितीपुस्तिका ही मार्गदर्शक स्वरूपाची असून, महाराष्ट्र महानगरपालिका अधिनियम, १९४९ / मुंबई महानगरपालिका अधिनियम, १८८८, अंतर्गत करण्यात आलेले निवडणूक नियम तसेच राज्य निवडणूक आयोग, महाराष्ट्र यांनी वेळोवेळी निर्गमित केलेले आदेश, निदेश व सूचना हेच अंतिम, ग्राह्य व अधिकृत राहतील.
महानगरपालिका सार्वत्रिक निवडणूक २०२५–२६ ही पारदर्शक, मुक्त व निर्भय वातावरणात पार पाडण्यासाठी सर्व राजकीय पक्ष, उमेदवार व संबंधित घटकांनी आयोगाच्या सूचनांचे काटेकोर पालन करावे असे आवाहन महापालिकेच्यावतीने करण्यात आले आहे.
