13+1 पेक्षा अधिक व 12+1 पर्यंतची आसन क्षमता असलेली वाहने अनुक्रमे स्कूल बस व स्कूल व्हॅन म्हणून वापरता येणार कोल्हापूर, : महाराष्ट्र मोटार वाहन (स्कूल बसकरिता विनियम) नियम २०११ मध्ये सुधारणा करुन स्कूल बस व स्कूल व्हॅन यांची स्वतंत्र व्याख्या करण्यात आली आहे. त्यानुसार आसन क्षमता १३+१ पेक्षा अधिक असलेले वाहने स्कूल बस म्हणून व आसन क्षमता १२+१ पर्यंतची वाहने स्कूल व्हॅन म्हणून केंद्रिय मोटार वाहन नियम- १९८९ च्या नियम १२६ नुसार शालेय विद्यार्थी वाहतूकीसाठी सुरक्षे संदर्भात परिवहन आयुक्त कार्यालयाव्दारे वेळोवेळी जारी करणाऱ्या आदेशांची पुर्तता करणारे वाहन स्कूल बस व स्कूल व्हॅन म्हणून वापरता येतील, अशी माहिती सहायक प्रादेशिक परिवहन अधिकारी सचिन सावदेकर यांनी दिली आहे.