no images were found
‘कुमकुम भाग्य’मध्ये मेघा प्रसादचा झंझावाती प्रवेश, साकारणार सोनालिका ही भूमिका!
झी टीव्हीवरील सर्वांची आवडती मालिका ‘कुमकुम भाग्य’ आपल्या सतत बदलणाऱ्या नात्यांमधील गुंतागुंत आणि भावना यांच्या प्रवाहातून प्रेक्षकांचे लक्ष कायम वेधून घेत आहे. प्रत्येक वळणावर नवे खुलासे आणि प्रचंड नाट्य पाहायला मिळत आहे. अलीकडेच जेव्हा शिवांश (नमिक पॉल) आणि प्रार्थना (प्रणाली राठोड) आपले जुने मतभेद बाजूला ठेवून नव्या सुरुवातीकडे वाटचाल करू लागले होते, तेव्हाच सोनालिकाच्या पुनरागमनामुळे त्यांच्या भूतकाळाची सावली पुन्हा त्यांच्या आयुष्यात आली. या वेळी सोनालिकाची भूमिका साकारत आहे प्रसिद्ध अभिनेत्री मेघा प्रसाद, जिने या मालिकेत झंझावाती प्रवेश केला आहे. याआधी ही भूमिका रूपम शर्माने साकारली होती, आणि आता मेघा या ताकदवान भूमिकेला नव्या उंचीवर नेण्यास सज्ज आहे.
आपल्या प्रभावी भूमिकांसाठी ओळखली जाणारी मेघा प्रसाद ही भूमिका खूपच सहजतेने साकारत आहे. बळकट स्क्रीन उपस्थिती, भावनिक खोली आणि अनेक स्तर असलेल्या व्यक्तिरेखेचा आत्मविश्वासपूर्ण अभिनय यांसह मेघा नवीन आणि तरीही गहन ऊर्जेसह सोनालिका साकारणार आहे. सोनालिकाचे पुनरागमन केवळ शिवांश आणि प्रार्थनाच्या आयुष्यात वादळ घेऊन येणार नाही, तर ती रौनक (अक्षय देव बिंद्रा) सोबत एक गुप्त करारही करते, कारण रौनक आधीच राग आणि सूडाच्या भावनेने पेटून उठलेला आहे. रौनकची कारस्थाने आणि सोनालिकाच्या योजना, शिवांश आणि प्रार्थनाच्या नव्या नात्याला मोठ्या संकटात टाकणार आहेत.
आपल्या भूमिकेबद्दल मेघा प्रसाद म्हणाली, “सोनालिकाची व्यक्तिरेखा माझ्यासाठी खूप खास आहे. ती निडर आहे, भावनिक आहे आणि जे हवे असते ते मिळवण्यासाठी बिनधास्त आहे. मला तिच्यातली ही गोष्ट आवडते की ती परफेक्ट होण्याचा प्रयत्न करत नाही – तिला आपल्या कमतरता माहिती आहेत आणि त्याच ती आपल्या ताकदीने वापरते. रौनकसोबत तिची जी जोडी झाली आहे, त्यात केवळ ड्रामा नाही तर त्यात रणनीति आहे, भावना आहेत आणि थोडेसे धाडसही आहे. कलाकार म्हणून सोनालिकामधील असूया, तिचे धैर्य आणि तिच्या अनेक छटा साकारणे माझ्यासाठी रोमांचक आणि आव्हानात्मक होते. ही अशी व्यक्तिरेखा आहे जी सतत बदलते, चकित करते आणि खूप खरी वाटते. प्रेक्षक पुढे काय पाहणार आहेत याची मला उत्सुकता आहे.”
सोनालिकाचे भावनिक पुनरागमन आणि रौनकच्या नीट आखलेल्या योजना यामुळे ‘कुमकुम भाग्य’ आता एका थरारक वळणावर पोहोचली आहे. पण काय सोनालिका तिला कायमच आपले वाटलेले प्रेम पुन्हा मिळवू शकेल?
