no images were found
मुख्यमंत्र्याच्या ठाण्यात रिक्षाचालकाकडून शाळकरी मुलीचा विनयभंग
ठाणे : ठाण्यात रिक्षाचालकाकडून मुलीचा विनयभंग करण्यात आल्याचा प्रकार घडला होता. ठाण्याच्या स्टेशन रोड परिसरात एक रिक्षावाला एका शाळकरी मुलीला फरफटत नेत असल्याचा एक सीसीटीव्ही व्हिडीओ सध्या व्हायरल झाला आहे. या घटनेत शाळकरी मुलगी जखमी झाली आहे. त्या मुलीला फरफटत नेण्यामागे त्या रिक्षावाल्याचा नेमका काय हेतू होता? याचा पोलीस तपास करत आहेत.
यासंदर्भात पोलीस ठाण्यात तक्रार दाखल झाली केल्यानंतर पोलिसांनी रिक्षाचालकाचा शोध घेतला आणि अवघ्या २४ तासांच्या आतमध्ये आरोपी रिक्षाचालकाला अटक करण्यात आली. परंतु या धक्कादायक घटनेमुळे महिला सुरक्षेचा प्रश्न पुन्हा एकदा ऐरणीवर आला आहे. मुख्यमंत्री एकनाथ शिंदे यांच्या ठाणे जिल्ह्यातच महिला असुरक्षित असल्याचं चित्र यामुळे समोर येत आहे.
