no images were found
‘पुष्पा इम्पॉसिबल’ मालिकेत दिलीपला मिळाली आमदारकी
सोनी सबवरील ‘पुष्पा इम्पॉसिबल’ मालिकेतील पुष्पा (करुणा पांडे) या धडाडीच्या आणि निडर स्त्रीच्या कथेने प्रेक्षकांचे मन जिंकून घेतले आहे. पुष्पा आयुष्यातील संकटांना सकारात्मकतेने आणि हिंमतीने तोंड देते. अलीकडच्या भागांमध्ये पुष्पाच्या कुटुंबाचे नववर्षाचे सेलिब्रेशन सुरू असताना एक वेगळेच नाट्य रंगते. चाळीचा मालक बापोद्रा (जयेश भारभाया) अचानक दिलीप (जयेश मोरे)ला त्याची जागा खाली करण्याची नोटिस देऊन सगळ्यांना धक्का देतो. यावेळी बापोद्रावर कुरघोडी करण्यासाठी पुष्पा आणि दिलीप एक होतात. आणि मग दिलीप एका तिसऱ्या पार्टीच्या मदतीने घर विकत घेऊन बापोद्राला धक्का देतो.
आगामी भागांमध्ये, नाट्य आणखी रंगत जाते. बापोद्रा आणि दिलीप राजकारणाच्या रिंगणात उतरतात आणि निवडणुकीत एकमेकांसमोर उभे राहतात. बापोद्रा एक व्हिडिओ मीडियामध्ये लीक करून दिलीपची प्रतिमा डागाळण्याचा प्रयत्न करतो. या व्हिडिओमध्ये दिलीपने एका कारमध्ये बादशाह (हितू पुजारा)ला कसे डांबून ठेवले आणि त्याचा छळ केला हे दिसते. परंतु, बापोद्रा आपल्या या नीच क्लृप्तीने देखील दिलीपला रोखू शकत नाही आणि दिलीप निवडणूक जिंकतो.
शत्रू आता एकाच घरात आहेत. तर पुढे कोणते ट्विस्ट येणार?
दिलीप पटेलची भूमिका करणारा जयेश मोरे म्हणतो, “दिलीप पटेल एक गुंतगुंतीची व्यक्तिरेखा आहे. ती सतत आपल्या वागण्याने प्रेक्षकांना धक्के देत असते. हे कथानक खूपच थरारक आहे. व्यक्तिगत आणि राजकीय लढ्यात बापोद्राच्या कृत्यांना प्रत्युत्तर देताना दिलीपची तल्लख बुद्धी आणि निर्धार प्रेक्षकांना दिसेल. त्याचा हा प्रवास विशेष आकर्षक आहे, कारण परिस्थिती प्रतिकूल असतानाही दिलीप आपल्या हुशारीने आव्हानांचे रूपांतर विजयात करतो. प्रेक्षकांना ही चुरस आणि त्यातील रोमांच कसा वाटतो हे बघण्यास मी उत्सुक आहे.”
