चर्चगेट रेल्वे स्थानकात नवरा-बायकोमधील वाद विकोपाला पोहोचून पत्नीवर हल्ला

मुंबई : चर्चगेट रेल्वे स्टेशनवर रविवारी एक  धक्कादायक घटना घडली. नवरा बायकोचा वाद इतका विकोपाला जाऊ शकतो याचे भयावह चित्र यावेळेस पहावयास मिळाले. दोघांच्या झालेल्या वादतून पतीने आपल्या पत्नीवर जीवघेणा हल्ला केला. चर्चगेट रेल्वे स्थानक भागात पतीने त्याच्या पत्नीला चाकूने भोसकले. या घटनेत पत्नी गंभीररीत्या जखमी झाली. या प्रकरणातील पतीला पोलिसांकडून अटकही करण्यात आले असून पुढील तपास पोलीस करीत आहेत.

रोशन नाईक व हेमा नाईक ही  दोघे नवरा बायको पालघरचे रहिवासी असून ते कार्यक्रमासाठी कुलाब्याला आले होते. कार्यक्रमावरुन घरी परतत असताना त्यांच्यात वाद सुरु झाला. वाद टोकाला पोहोचला आणि  रोशन यांनी चर्चगेट रेल्वे स्थानकात त्यांनी हेमाला चाकूने भोसकलं.  पत्नी हेमा गंभीररीत्या जखमी झाली. या घटनेमुले रेल्वे स्थानकातील इतर प्रवाशांतही काहीकाळ तणाव निर्माण झाला.

रेल्वे पोलिसांकडून तत्काळ गंभीर दखल घेत आरोपी रोशन यांच्याविरोधात हत्येचा प्रयत्न केल्याप्रकरणी गुन्हा दाखल करण्यात आला आहे. याप्रकरणी चर्चगेट रेल्वे पोलिसांकडून अधिक तपास केला जात आहे.

रोशन आणि हेमा कुलाबा येथे एका घरगुती कार्यक्रमासाठी आले होते. दुपारच्यावेळेस हेमा नाईकचे कुटुंबीय आणि रोशन नाईक यांच्यात काही कारणावरुन वाद झाला होता. त्यावरून रोशन कार्यक्रमातून निघून रोशन चर्चेगेट रेल्वे स्थानक येथे गेला. त्याठिकाणी तो पत्नी हेमाची वाट पाहत राहिला होता. कार्यक्रम संपतच हेमा घरी जाण्यासाठी निघाली. हेमा येण्याची वाट पाहत रोशन रेल्वे स्थानकवर थांबला होता. त्याच्या मनात पत्नीच्या खुनाचा कट शिजला होता. पालघरला घरी जाण्यासाठी जेव्हा हेमा चर्चगेट रेल्वे स्थानकात पोहोचली. नेमके  त्याचवेळी रोशन याने टोकाचे पाऊल उचलत त्याने भर रेल्वे स्थानकात पत्नी हेमा यांना चाकूने वर केला. रेल्वे पोलिसांकडून तत्काळ गंभीर दखल घेत आरोपी रोशन यांच्याविरोधात हत्येचा प्रयत्न केल्याप्रकरणी गुन्हा दाखल करण्यात आला आहे. याप्रकरणी चर्चगेट रेल्वे पोलिसांकडून अधिक तपास केला जात आहे.