no images were found
1000 चौ.मी. इमारत बांधकाम परवानगीसाठी 13 व 14 ऑक्टोंबरला विशेष कॅम्प
कोल्हापूर : महानगरपालिका क्षेत्रातील ऑनलाईन पुर्वी दाखल झालेल्या विकास परवानगी (इमारत बांधकाम व भोगवटा) कामी गुरुवार व शुक्रवार, दि.13 व 14 ऑक्टोंबर 2022 रोजी नगररचना विभागामार्फत दोन दिवसाचे विशेष कॅम्पचे आयोजन करण्यात आले आहे. या कॅम्पमध्ये 1000 चौ.मी. भूखंड क्षेत्रापर्यंतची विकास प्रकरणे घेतली जाणार आहे. प्रशासक डॉ.कादंबरी बलकवडे यांच्या सुचनेनुसार या दोन दिवशी सकाळी 10 ते सायंकाळी 6 या वेळेत हा विशेष कॅम्प घेतला जाणार आहे. या कॅम्पमध्ये विविध प्रकारचे विकास परवानगी, भोगवटा प्रमाणपत्र, बांधकाम परवानगी, जोता चेकिंग, अनामत रक्कम परत, ले आऊट मंजूरी, एकत्रीकरण व विभाजनची कामे केली जाणार आहेत. तरी संबंधीतांनी सदरच्या कॅम्पमध्ये सहभागी होणेकरीता दि.13 व 14 ऑक्टोंबर 2022 रोजी नगररचना विभाग, दुसरा मजला, बागल मार्केट, राजारामपुरी येथे आवश्यक त्या कागदपत्रांची पुर्तता करून संबधीतांनी या कॅम्पचा लाभ घ्यावा असे आवाहन नगररचना विभागाच्यावतीने करण्यात आले आहे.
