NIAचे काश्मिरमध्ये अनेक ठिकाणी छापे

नवी दिल्ली : जम्मू काश्मिरमध्ये राष्ट्रीय तपास संस्थेने (NIA)ने अनेक ठिकाणी फंडिंग केसच्या संदर्भात छापे टाकले आहेत. काश्मिरमधील राजौरी, पूँछ, जम्मू, श्रीनगर, पुलवामा, बडगाम, शोपियान, बंदिपोरा या ठिकाणी तपास संस्थेने छापे टाकल्याचे वृत्त आहे.

याप्रकरणी जम्मू काश्मिरातील बेकायदेशीर संघटना म्हणून घोषित केलेल्या जमात-ए-इस्लामी या संघनटेसाठी काम करत असलेल्या अल हुदा एज्युकेशनल ट्रस्टच्या फंडिंग पॅटर्नमुळे राष्ट्रीय तपास संस्थेकडून गुन्हा दाखल करण्यात आला आहे. काही दिवसांपूर्वी राष्ट्रीय तपास संस्थेकडून PFIया संस्थेच्या देशभरातील कार्यालयांवर टाकण्यात आलेल्या छाप्याम्ध्ये १०० हून जास्त कार्यकर्ते आणि पदाधिकाऱ्यांना अटक करण्यात आली होती. दरम्यान या संस्थेवर तसेच ट्वीटर अकाऊंटवरही केंद्र सरकारने पाच वर्षाची बंदी घातली असून बंदी घातली आहे. यानंतर मुस्लीम कार्यकर्त्यांनी देशभरात सरकारविरोधात निदर्शने केली होती. या संस्थेवर कारवाई झाल्यानंतर याचे परिणाम पाकिस्तानातही दिसून आले असून ही बाब संयुक्त राष्ट्रसंघात नेण्याचा त्यांचा कट होता. त्यानंतर या संस्थेचे दहशतवाद्यांशी संबंध असल्याचे समोर उघड झाले आहे. याच संबंधाने NIAकडून जम्मू काश्मिरातही छापे टाकण्यात आले आहेत.