no images were found
घरफाळा थकबाकी वसुली करीता मिळकत सिल व बोजा नोंद कारवाई होणार
कोल्हापूर ( प्रतिनिधी ):- महानगरपालिकेच्या कर आकारणी व वसुली विभागास सन 2024-25 या आर्थिक वर्षा अखेरीस रु.101 कोटी उद्दीष्ट देण्यात आले आहे. दि.01 एप्रिल ते दि.13 डिसेंबर 2024 अखेर शहरातील 86,180 मिळकतधारकांनी आज अखेर आपला घरफाळा भरुन रु.41 कोटी 70 लाख रक्कम जमा केली आहे. कायद्यातील तरतुदीनुसार दि.1 डिसेंबर 2024 पासून राहिलेल्या मिळकतींच्या चालू घरफाळा आकारणीवर दंड आकारला जात आहे. तसेच घरफाळा विभागामार्फत थकबाकी वसुली मोहिमेकरीता चारही विभागीय कार्यालयाअंतर्गत 4 वसुली पथके नियुक्त करण्यात आलेली आहेत. त्याचप्रमाणे शहरातील थकबाकीदारांना नोटीसा लागू करण्यात आलेल्या आहेत. मिळकतींना नोटीसा देऊनही ज्या थकबाकीदारांनी अद्यापही आपला कराचा भरणा केलेला नाही अशा मिळकतधारकांच्या मिळकती सिल करुन बोजा नोंद करण्याच्या कारवाईच्या नोटीसाही देण्यात आलेल्या आहेत. त्यामुळे सोमवार दि.16 डिसेंबर 2024 पासून बोजा नोंदविण्याची हि कारवाई करण्यात येणार आहे.
तसेच शहरामध्ये माहे नोव्हेंबर 2023 पासून घरफाळा रिव्हीजन सर्व्हेचे कामकाज सुरु करण्यात आले आहे. यामध्ये 21,909 इतक्या मिळकतीचा रिव्हीजन सर्व्हे पूर्ण करण्यात आला आहे. त्यानुसार संबंधीत मिळकतधारकांना कागदपत्रे सादर करणेबाबत नोटीसही लागू करण्यात आलेल्या आहेत. अदयापही कागदपत्रे सादर न केलेल्या मिळकतधारकांवर नियमातील तरतूदी प्रमाणे कर आकारणी अंतिम करुन वाढीव रक्कम त्यांच्या बिलात समाविष्ट करण्याची कारवाई करण्यात येत आहे. तरी शहरातील सर्व मिळकतधारकांनी अद्यापही आपला घरफाळा भरणा केलेला नसेल त्यांनी आपला थकीत घरफाळा भरुन महानगरपालिकेस सहकार्य करावे असे आवाहन महापालिकेच्यावतीने करण्यात आलेला आहे.
