छत्रपती शाहू महाराज युवाशक्ती करिअर शिबीराचे हातकणंगले येथे आयोजन

कोल्हापूर : शासकीय औद्योगिक प्रशिक्षण संस्था, हातकणंगलेमार्फत छत्रपती शाहू महाराज युवाशक्ती करिअर शिबीराचे शनिवार दिनांक 15 जून 2024 रोजी सकाळी 9.30 वाजता संजय घोडावत इन्स्टीट्युट हॉल, सी-बिल्डिंग, अतिग्रे, ता. हातकणंगले येथे आयोजन करण्यात आले आहे. या शिबिरासाठी खासदार धैर्यशील माने प्रमुख पाहुणे म्हणून तर आमदार राजूबाबा आवळे, आमदार प्रकाश आवाडे व संजय घोडावत इन्स्टीट्युटचे प्राचार्य विराट गिरी यांच्या प्रमुख उपस्थिती राहणार आहेत.

            व्यक्तीमत्व विकास व 10 वी, 12 वी नंतरच्या करियर संधी व स्वयंरोजगाराकरिता लघुउद्योग उभारणी मार्गदर्शन शिबीरात डॉ. जॉर्ज क्रूज, स्पर्धा परीक्षा मार्गदर्शक व कुलभुषण उपाध्ये (बँक ऑफ इंडिया स्टार ग्रामीण स्वरोजगार प्रशिक्षण संस्था,कोल्हापूर) मार्गदर्शन करणार आहेत. विद्यार्थी व पालकांनी या शिबीराचा लाभ घ्यावा, असे आवाहन हातकणंगले औद्योगिक प्रशिक्षण संस्थेचे प्राचार्य व्ही.जे.नार्वेकर व जिल्हा कौशल्य विकास रोजगार व उद्योजकता मार्गदर्शन केंद्राच्या प्रभारी सहायक आयुक्त संगीता खंदारे यांनी केले आहे.