गारगोटी येथील मुलींच्या शासकीय वसतिगृहात मोफत प्रवेश सुरु

कोल्हापूर : गारगोटी येथील सामाजिक न्याय व विशेष सहाय विभागाअंतर्गत मागास व आर्थिकदृष्टया मागास मुलींच्या वसतिगृहात मोफत प्रवेश देण्याची प्रक्रिया सुरु झाली आहे. सन 2024-25 मध्ये इ. 8 वी प्रासून ते उच्चशिक्षणापर्यत प्रवेश दिला जात असून वसतिगृहात प्रवेश घेऊ इच्छिणाऱ्या विद्यार्थिनींनी मागास व आर्थिकदृष्ट्या मागास मुर्लीचे शासकीय वसतिगृह, के. डी. देसाई कॉलनी, गारगोटी, ता. भुदरगड जि. कोल्हापूर या वसतिगृहाशी संपर्क साधावा, असे आवाहन वसतिगृहाच्या गृहपालांनी केले आहे.   

 वसतिगृहात अनुसुचित जाती, अनुसुचित जमाती, विमुक्त जाती व भटक्या जमाती, विशेष मागासवर्गीय, इतर मागास व आर्थिकदृष्ट्या मागास, अपंग, अनाथ प्रवर्गातील विद्यार्थिनींना राहण्याची तसेच जेवणाची व्यवस्था मोफत केली जाते. तसेच दरमहा 600 रुपये निर्वाहभत्ता, गणवेशभत्ता, स्टेशनरी भत्ता, सहल भत्ता दिला जातो.