महापालिकेकडून शहारातील ओम ऑर्थोपेडिक हॉस्पिटला 50 हजाराचा दंड

कोल्हापूर : तपोवन मैदाना जवळील ओम ऑर्थोपेडिक हॉस्पिटलंने यांनी त्यांचे हॉस्पिटलमधील जैव वैद्यकिय कचरा तपोवन परिसरामध्ये टाकलेचे निर्दशनास आल्याने त्यांना आज आरोग्य घनकचरा विभागामार्फत रु.50 हजार दंड करण्यात आला. सदरची कारवाई सहा.आयुक्त कृष्णा पाटील यांच्या मार्गदर्शनाखाली  आरोग्य घनकचरा व्यवस्थापन विभागाकडील विभागीय आरोग्य निरीक्षक ऋषिकेश सरनाईक, मुकादम राकेश पाटोळे व खलिद शेख यांनी केली.

            महानगरपालिकेमार्फत शहरातील सर्व वैद्यकिय व्यवसायिकांना जाहीर नोटीसद्वारे वैद्यकिय आस्थापनेतून (हॉस्पिटल, क्लिनिक व लॅब) मध्ये निर्माण होणारा जैव वैद्यकिय कचरा इतरत्र कोठेही न टाकता कोल्हापूर महानगरपालिकेच्य अधिकृत वाहनाकडेच देणेबाबत आवाहन केले होते. यामध्ये आस्थापनेने जैव वैद्यकिय कचरा आजूबाजूच्या परिसरात टाकलेचा निदर्शनास आल्यास संबंधित आस्थापनेवर महाराष्ट्र प्रदूषण नियंत्रण मंडळाच्या नियमानुसार कारवाई करण्यात येईल अशा सुचना दिल्या होत्या.

            परंतू गुरुवार दि.30 मे 2024 रोजी ओम ऑर्थोपेडिक हॉस्पिटल यांनी त्यांचे आस्थापनेमधील जैव वैद्यकिय कचरा तपोवन परिसरामध्ये टाकलेचे निर्दशनास आल्याने त्यांना  रु.50,000/- इतका दंड करण्यात आला.

            तरी कोल्हापूर शहरातील व शहराबाहेरील सर्व वैद्यकिय व्यवसायिकांना आवाहन करणेत येत की, सर्व वैद्यकिय व्यवसायिकांनी त्यांचे आस्थापनामध्ये निर्माण होणारा जैव वैद्यकिय कचरा कोल्हापूर महानगरपालिकेने अधिकृत केलेल्या वाहनांकडेच देणेचा आहे अन्यथा सदरचा कचरा इतरत्र उघडयावर, नाल्यामध्ये टाकलेचे निदर्शनास आल्यास संबंधित आस्थापनेवर जैव वैद्यकिय कचरा व्यवस्थापन व नियंत्रण अधिनियम 1998 मधील तरतुदीनुसार कारवाई करण्यात येईल याची संबंधीतांनी नोंद घ्यावी असे आवाहन आरोग्य घनकचरा विभागामार्फत करण्यात आले आहे.