ला टुब्रो युनिव्हर्सिटीचे नवीन कुलगुरू यांनी आपल्या भारत दौऱ्यावर परस्पर संबंध मजबूत केले

ला टुब्रो युनिव्हर्सिटीचे नवीन कुलगुरू यांनी आपल्या भारत दौऱ्यावर परस्पर संबंध मजबूत केले

मुंबई- ला टुब्रो युनिव्हर्सिटी ऑस्ट्रेलियाने आपल्या नवीन कुलगुरूंच्या भारत दौऱ्यावर भारतीय संशोधन आणि शिक्षण क्षेत्रातील भागीदारी वाढवण्यासाठी दीर्घकालीन वचनबद्धता मजबूत करून काही क्षेत्रांवर लक्ष केंद्रित केले आहे.
या वर्षी फेब्रुवारीमध्ये कुलगुरू बनलेले प्रोफेसर थिओ फॅरेल यांनी पाच दिवसांच्या भारत दौऱ्यावर उद्योग, सरकार आणि व्यवसायाच्या प्रतिनिधींना भेटून संवाद साधला.
ला टुब्रोचा भारतामध्ये गौरवशाली आणि यशस्वी इतिहास आहे. ला टुब्रोच्या तृतीय संस्था आणि संस्थांसोबतच्या भागीदारीमुळे दोन्ही देशांना फायदे मिळाले आहेत. ला टुब्रोने भारतातील कलागुणांना संयुक्त शिक्षणाची संधी उपलब्ध करून देऊन त्यांच्या विकासाचा मार्ग मोकळा केला आहे.
प्रोफेसर फॅरेल यांनी त्यांच्या भारत दौऱ्यादरम्यान ला टुब्रोचे भागीदार, उद्योग आणि सरकारी प्रतिनिधींसोबत अनेक बैठका घेतल्या. त्यांनी परस्पर हिताच्या क्षेत्रात सहयोग करण्याच्या संधींबद्दल लक्ष केंद्रित केले जे दोन्ही देशांच्या प्राथमिक गरजा पूर्ण करण्यासाठी उपयुक्त ठरेल. उद्योगातील नाविन्य आणि विकासाच्या दृष्टिकोनातून याला विशेष महत्त्व आहे.
प्रोफेसर फॅरेल म्हणाले की ला टुब्रोसाठी अनेक प्राधान्य क्षेत्रे होती ज्या भारतासोबत मजबूत संबंध निर्माण करण्यासाठी आणि नवीन भागीदारी करण्यासाठी अत्यंत महत्वाच्या आहेत. यामध्ये अनेक संधींचा समावेश आहे जसे की भारत आणि ऑस्ट्रेलियामधील विद्यार्थी देवाणघेवाणीला समर्थन देणे आणि विस्तार करणे; डिजिटल तंत्रज्ञान आणि कौशल्यांमधील नवकल्पनांवर केंद्रित संशोधन विकसित करणे; संशोधनाचे व्यावसायिकीकरण आणि उद्योग भागीदारांसोबत संबंध निर्माण करण्याच्या संधी शोधणे. स्मार्ट सिटी डेव्हलपमेंट, शाश्वत शेती आणि अन्न सुरक्षा, बायो-इनोव्हेशन आणि आरोग्य आणि संबंधित सेवा इत्यादी प्रमुख क्षेत्रांमध्ये आपली क्षमता प्रदर्शित करण्यासाठी ला टुब्रो उद्योगासोबत आपले सहकार्य वाढवू शकते.
प्रोफेसर फॅरेल म्हणाले, “ला ट्रोबचे काही महत्त्वाचे युनिवर्सिटी पार्टनर भारतात आहेत आणि आम्ही भारतीय उद्योग आणि व्यवसायासोबत महत्त्वपूर्ण भागीदारी करत आहोत. परस्पर सहकार्याद्वारे शाश्वत अन्न उत्पादन आणि कृषी, आरोग्य आणि कल्याण, टेक्नॉलॉजी आणि बायो-इनोव्हेशन यासारख्या क्षेत्रांमध्ये संयुक्तपणे आमच्या महत्त्वपूर्ण कौशल्याचा लाभ घेणे हे आमचे उद्दिष्ट आहे.
जगातील आघाडीच्या बायोटेक्नॉलॉजी कंपन्यांपैकी एक, बायोएनटेकच्या कौशल्याची अलीकडेच ओळख झाली आहे. “कर्करोग उपचार करण्यासाठी आणि टेस्ट करण्यासाठी नवीन एमआरएनए उत्पादन केंद्र तयार करण्यासाठी आम्ही ला टुब्रोच्या मेलबर्न कॅम्पसला आमचा आधार म्हणून निवडले आहे.”
“याशिवाय, आम्ही संस्थांमधील परस्पर शिक्षण, संयुक्त बौद्धिक कार्यक्रम आणि संशोधन, उद्योग आव्हानांना सामोरे जाण्यासाठी सहयोगी दृष्टिकोन आणि विद्यार्थ्यांना मौल्यवान शिक्षणाच्या संधी उपलब्ध करून देणाऱ्या संयुक्त शैक्षणिक भागीदारी यासाठी वचनबद्ध आहोत.”
ला टुब्रो युनिव्हर्सिटीने 2019 मध्ये स्थापन केलेल्या एशियन स्मार्ट सिटीज रिसर्च इनोव्हेशन नेटवर्क (एएससीआरआयएन} च्या सर्व सदस्य युनिव्हर्सिटीच्या राऊंडटेबलमध्ये भविष्यातील सहयोग आणि परस्परसंवादाच्या संधींवर देखील चर्चा करण्यात आली. आज एएससीआरआयएन हा 43 दशलक्ष एयूडी आणि 235 कोटी रुपयांच्या एकत्रित गुंतवणुकीसह सर्वात मोठा संशोधन आंतरराष्ट्रीयीकरण उपक्रम आहे.
एएससीआरआयएन संशोधक, जागतिक उद्योग भागीदार, सरकारी सहयोगी आणि स्टार्ट-अप्सचे नेटवर्क, एकत्रितपणे स्मार्ट सिटी प्रकल्पांवर अत्याधुनिक संशोधन करण्यासाठी संपूर्ण प्रदेशातील शहरे आणि गावांमध्ये टिकाव, राहणीमानता आणि आणि इतर कार्यक्षमता सुधारण्यात मदत करते.
प्रोफेसर अनिरुद्ध देसाई, एएससीआरआयएन चे संस्थापक आणि आयआयटी कानपूर – ला टुब्रो युनिव्हर्सिटी रिसर्च अकादमीचे सह-संचालक म्हणाले, “या नेटवर्कमध्ये 250 हून अधिक संशोधकांचा समावेश आहे ज्यांनी त्यांच्या संबंधित प्रदेशातील शहरे आणि गावांमध्ये शाश्वतता, राहणीमानता आणि इतर कार्यक्षमता वाढविण्यासाठी प्रभावी प्रकल्पांचा मजबूत पोर्टफोलिओ तयार करण्यात महत्त्वपूर्ण प्रगती केली आहे. आता आम्ही त्याच्या विकासावर लक्ष केंद्रित करू इच्छितो. आम्हाला उद्योग आणि सरकार सोबत सक्रियपणे सामील व्हायचे आहे. यामुळे त्याचे व्यावसायिकरण आणि त्याला स्वीकारण्याचे काम वेगवान होईल.”
या नेटवर्कमध्ये असे 50 हून अधिक प्रकल्प आहेत जे भारतीय लोकांच्या जीवनात मोठे बदल घडवून आणतील जसे –
• डेयरी सप्लाई चेन सुधारण्यासाठी डेटा-आधारित निर्णय घेणे.
• लँडफिल कमी करण्यासाठी बांधकाम आणि पाडल्यानंतर विध्वंस कचरा पुन्हा वापरणे.
• एनर्जी ग्रीडचे बुद्धिमान नियोजन करून विजेचा वापर आणि खर्च कमी करणे
• सेन्सरच्या साहाय्याने औषधी पिकांच्या अंतर्गत लागवडीत सुधारणा.
• रिअल-टाइम अपघाताचा अंदाज देऊन शहरातील रस्ते आणि चौकांवरील रहदारीतील प्रत्येकाची सुरक्षितता वाढवणे.
गेल्या वर्षी, या नेटवर्कद्वारे, टाटा इन्स्टिट्यूट ऑफ सोशल सायन्स (टीआयएसएस) इतर अग्रगण्य तृतीय संस्था – इंडियन इन्स्टिट्यूट ऑफ टेक्नॉलॉजी कानपूर (आयआयटी-के) आणि बिर्ला इन्स्टिट्यूट ऑफ टेक्नॉलॉजी अँड सायन्स, पिलानी (बिट्स-पिलानी) भागीदार म्हणून सामील झाले. यात आधीच 250 हून अधिक संशोधक आणि 70 हून अधिक जॉईंट -पीएचडी प्रकल्पांचा समावेश आहे.
प्रोफेसर फॅरेल आणि टीआयएसएस प्रो कुलगुरू प्रोफेसर शंकर दास यांनीही जॉईंट -पीएचडी प्रोग्रामची घोषणा केली. या अंतर्गत आशियातील नागरीकरणाच्या वाढत्या आव्हानांना तोंड देण्यासाठी भारतीय विद्यार्थ्यांना संशोधन करण्यास सहाय्य दिले जाईल.
ला ट्रोबचे शिष्टमंडळ वार्षिक टेक्नॉलॉजी इन्फ्युजन ग्रँड चॅलेंजच्या अंतिम स्पर्धकांच्या आणि विजेत्यांच्या सत्कार समारंभाला उपस्थित राहणार आहे. सायन्स, टेक्नॉलॉजी, इंजिनिअरिंग आणि मॅथमॅटिक्स आणि बिजनेस फिल्ड मधील पदवीधर विद्यार्थ्यांना त्यांच्या कौशल्ये आणि ज्ञानावरील आत्मविश्वास वाढवण्यासाठी प्रोत्साहित करणे हा त्याचा उद्देश आहे जेणेकरून ते स्मार्ट टेक्नॉलॉजीच्या मदतीने पुढील पिढीच्या गंभीर समस्यांचे निराकरण करू शकतील आणि त्यांचे निदान करू शकतील. या विभागातील 18 युनिव्हर्सिटीमधील सुमारे 67 टीम्समधील 130 हून अधिक विद्यार्थ्यांनी नाविन्यपूर्ण कल्पना मांडल्या.
प्रोफेसर फॅरेल महिंद्रा युनिव्हर्सिटीलाही भेट देतील जेथे ला टुब्रोने सिव्हिल इंजिनीअरिंगमध्ये जॉईंट बॅचलर डिग्री प्रोग्राम सुरू केला आहे. 2023 मध्ये सुरू करण्यात आलेला हा सहकार्य करार भारताच्या राष्ट्रीय शैक्षणिक धोरण 2023 आणि ऑस्ट्रेलियाच्या भारतासाठीच्या शैक्षणिक धोरणाशी सुसंगत आहे. या अंतर्गत विद्यार्थ्यांना महिंद्रा युनिव्हर्सिटीमध्ये दोन वर्षे आणि ला ट्रोब युनिव्हर्सिटीमध्ये दोन वर्षे शिक्षण घेऊन सिव्हिल इंजिनीअरिंगची पदवी प्राप्त करण्याची अभूतपूर्व संधी मिळते. विद्यार्थ्यांना दोन्ही युनिव्हर्सिटीमधून सिविल इंजीनियरिंगची पदवी दिली जाईल.