सिलेंडर बुक करताच मिळेल ५० लाखांचा विमा !

आजकाल सर्वांच्याच घरात एलपीजी सिलिंडर आहे. सर्वचजण आपण महिना दोन महिन्याला गॅस सिलेंडर रिफील करतोच. परंतु तुम्हाला हे माहिती आहे का की या सिलेंडरवर तुम्हाला सरकारकडून 50 लाख रुपयांचा बेनिफिट मिळतो.
देशातील सरकारी तेल कंपन्या एलपीजी वापरणाऱ्यांना 50 लाख रुपयांपर्यंतचे गॅस सिलिंडर विमा संरक्षण देतात. तुम्ही सिलिंडर बुक करताच तुमच्या कुटुंबाला हा विमा मिळेल. आणि सर्वात महत्वाची गोष्ट म्हणजे या विम्यासाठी तुम्हाला तुमच्या खिशातून एक रुपयाही भरावा लागत नाही. एलपीजी सिलिंडरमुळे अपघाताचा धोका असतो. अनेकदा लोकांच्या घरात सिलिंडर फुटल्याच्या बातम्या आपण पाहतो. हे विमा संरक्षण सरकारकडून अशा घटनांमधून सावरण्यासाठीच दिले जाते.
अशा अपघातांनंतर नुकसान भरपाई ग्राहकाला दिलीजाते. कोणताही ग्राहक आपल्या कुटुंबासाठी पेट्रोलियम कंपन्यांकडून 50 लाख रुपयांपर्यंतचा क्लेम करू शकतो.
>> अशा घटनांमध्ये सरकार प्रति सदस्य 10 लाख रुपये देते.
>> याशिवाय संपूर्ण कुटुंबासाठी कमाल 50 लाख रुपयांची मर्यादा आहे.
>> केवळ मालमत्तेचे नुकसान झाले असेल, तर या स्थितीत 2 लाख रुपयांचा क्लेम उपलब्ध आहे.
>> एखाद्याचा मृत्यू झाल्यास वैयक्तिक अपघात संरक्षण म्हणून ६ लाख रुपये उपलब्ध आहेत.
>> उपचारासाठी प्रति सदस्य 2 लाख रुपये उपलब्ध असून कमाल 30 लाख रुपये दिले जातात.