महापालिकेच्या 51 व्या वर्धापन दिनानिमित्त शहरातील उद्यानाची स्वच्छता

कोल्हापूर  : महापालिकेच्या 51 व्या वर्धापन दिनाचे औचित्य साधुन महापालिकेच्या शहरातील विविध उद्यानांची आज स्वच्छता मोहिम राबविण्यात आली. प्रशासक के.मंजूलक्ष्मी यांच्या मार्गदर्शनाखाली शहरातील महापालिकेच्या 4 उद्यानामध्ये संपर्क अधिका-यांमार्फत स्वच्छता मोहिम घेण्यात आली. हि स्वच्छता मोहिम शनिवारी सकाळी 7 ते 8 या वेळेत राबविण्यात आली.

            यावेळी प्रशासक के मंजूलक्ष्मी यांनी रंकाळा उद्यान येथे स्वच्छता केली. त्यांच्या सोबत अतिरिक्त आयुक्त केशव जाधव, मुख्य आरोग्य निरिक्षक सुधाकर चल्लावाड व पर्यावरण अधिकारी समीर व्याघ्राबरे उपस्थित होते. तर अतिरिक्त आयुक्त रविकांत आडसूळ, उपशहर अभियंता सतीश फप्पे व नगरसचिव सुनिल बिद्रे यांनी टेंबालाई मंदीर परिसर, उप-आयुक्त साधना पाटील व सहा.आयुक्त डॉ.विजय पाटील यांनी महावीर उद्यान, उप-आयुक्त शिल्पा दरेकर, इस्टेट ऑफिसर सचिन जाधव व आस्थापना अधिक्षक राम काटकर यांनी हुतात्मा पार्क याठिकाणी स्वच्छता मोहिम राबविली. ही मोहिम 500 कर्मचाऱ्यांसह, 4 ट्रॅक्टर, 10 ॲटो टिप्परच्या सहाय्याने राबविण्यात आली.