नगररचना विभागाकडून आयोजित विशेष कॅम्पमध्ये 32 बांधकाम परवानग्या

कोल्हापूर  : नगररचना विभागामार्फत आयोजित विशेष कॅम्पमध्ये 32 बांधकाम परवानग्या देण्यात आल्या त्याचबरोबर 14 भोगवटा प्रमाणपत्र, 4 विभाजन, 3 बांधकाम परवानगीला मुदतवाढ व 1 अनामत रक्कम परत देण्यात आल्या. या कॅम्पमध्ये भोगवटा प्रमाणपत्र, बांधकाम परवानगी, जोता चेकिंग, अनामत रक्कम मागणी अर्ज, ले आऊट मंजूरी, एकत्रीकरण व विभाजनबाबतची प्रकरणे मंजूर करण्यात आली. महापालिका क्षेत्रातील नगररचना विभागाकडे दाखल झालेल्या विकास परवानगी (इमारत बांधकाम व भोगवटा) कामी नगररचना विभागामार्फत दोन दिवसाचे विशेष कॅम्पचे आयोजन करण्यात आले आहे. पहिल्या दिवशीच्या कॅम्पमध्ये 1000 चौ.मी. भूखंड क्षेत्रापर्यंतची विकास प्रकरणे घेतली जाणार आहेत. गुरुवार, दि.14 डिसेंबर 2023 रोजी या कॅम्पचा शेवटचा दिवस आहे. तरी आर्किटेक्ट, बांधकाम व्यवसायीक व नागरीकांनी या कॅम्पचा लाभ घ्यावा असे आवाहन नगररचना विभागामार्फत करण्यात आले आहे.

या कॅम्पमध्ये सहाय्यक संचालक नगररचना विनय झगडे, उपशहर रचनाकार रमेश मस्कर व कनिष्ठ अभियंता यांनी दाखल झालेली प्रकरणे तपासून मंजूर केली. या कॅम्पला नागरिक व आर्किटेक्चर यांचेकडून चांगला प्रतिसाद मिळाला आहे.