फडणवीसांच्या ‘प्लॅन बी’वर पहिल्यांदाच बोलले उद्धव ठाकरे

मुख्यमंत्री एकनाथ शिंदे आणि त्यांच्याबरोबरच्या (शिंदे गट) १६ बंडखोर आमदारांवर अपात्रतेची टांगती तलवार आहे. आमदार अपात्रतेचा निर्णय विधान परिषदेचे अध्यक्ष राहुल नार्वेकर घेणार आहेत. सर्वोच्च न्यायालयाने ही जबाबदारी त्यांच्यावर सोपवली आहे. तसेच, ३१ डिसेंबरच्या आत यासंबंधीची कार्यवाही करण्याचे आदेशही सर्वोच्च न्यायालयाने दिले आहेत. येत्या काही दिवसांत ही कार्यवाही पूर्ण होऊन मुख्यमंत्री एकनाथ शिंदे आणि त्यांच्याबरोबर असलेले बंडखोर आमदार अपात्र ठरतील आणि मुख्यमंत्री पदावर उपमुख्यमंत्री अजित पवार किंवा इतर नेत्याची वर्णी लागेल, असा दावा विरोधी पक्षांकडून सातत्याने केला जात आहे.
उद्धव ठाकरे म्हणाले, देवेंद्र फडणवीसांना गद्दारांची बाजू घेण्यासाठी वेळ आहे. परंतु, मराठा आरक्षणावर तोडगा काढण्यासाठी वेळ नाही. जे लोक त्यांच्या न्यायासाठी, हक्कांसाठी आंदोलन करत आहेत, उपोषण करत आहेत, आत्महत्या करत आहेत, त्यांच्यासाठी फडणवासांकडे वेळ नाही. त्यांचे प्रश्न सोडवण्यासाठी वेळ नाही. महाराष्ट्रातलं आंदोलन चिघळलं असताना फडणवीस मात्र भाजपाच्या प्रचारासाठी रायपूरला (छत्तीसगड) जातात. त्यांच्याकडून आपण काय अपेक्षा करायची?