‘मधाचे गाव पाटगांव’चा लोकार्पण सोहळा व भव्य मधपाळ मेळाव्याचे शुक्रवारी आयोजन

             कोल्हापूर : जिल्हा नियोजन समिती व महाराष्ट्र राज्य खादी व ग्रामोद्योग मंडळ यांच्या मार्फत ‘मधाचे गाव पाटगांव’ हा अभिनव उपक्रम राबविण्यात येत असून मधाचे गाव पाटगांवचा लोकार्पण सोहळा व भव्य मधपाळ मेळाव्याचे शुक्रवार दिनांक 27 ऑक्टोबर 2023 रोजी सकाळी 11.30 वाजता, देसाईवाडी मैदान, पाटगांव येथे आयोजन करण्यात आले आहे, अशी माहिती जिल्हा नियोजन अधिकारी विजय पवार व जिल्हा ग्रामोद्योग अधिकारी श्रीकांत जौंजाळ यांनी दिली.    जिल्ह्याचे पालकमंत्री हसन मुश्रीफ यांच्या हस्ते हा कार्यक्रम संपन्न होणार आहे. कार्यक्रमास विधानसभा सदस्य तथा महाराष्ट्र कृषी शिक्षण व संशोधन परिषद, पुणेचे उपाध्यक्ष प्रकाश आबिटकर, महाराष्ट्र राज्य नियोजन मंडळाचे कार्यकारी अध्यक्ष राजेश क्षीरसागर, महाराष्ट्र राज्य खादी व ग्रामोद्योग मंडळाचे सभापती रवींद्र साठे तसेच लोकप्रतिनिधी उपस्थित राहणार आहेत