प्रेक्षकांनी मुक्तीसंग्राम माहिती नाट्यपटाचा आस्वाद घ्यावा – डॉ.अविनाश ढाकणे

मुंबई  : सांस्कृतिक मंत्री सुधीर मुंनगनटीवार यांच्या प्रेरणेने महाराष्ट्र चित्रपट, रंगभूमी आणि सांस्कृतिक विकास महामंडळ आणि सांस्कृतिक कार्य विभाग निर्मित मुक्तीसंग्राम (कथा मराठवाडयाच्या संघर्षाची) या माहिती नाट्यपटाची निर्मिती करण्यात आली आहे. या नाट्य माहितीपटाचे प्रसारण सहयाद्री वाहिनीवर दिनांक १ ऑक्टोबर २०२३ रोजी दुपारी १.३० वाजता करण्यात येणार असून या नाट्य माहितीपटाचा आस्वाद प्रक्षेकांनी घ्यावा, असे आवाहन महाराष्ट्र चित्रपट, रंगभूमी आणि सांस्कृतिक विकास महामंडळाचे व्यवस्थापकीय संचालक डॉ. अविनाश ढाकणे यांनी केले आहे.

पहिल्यांदाच मराठवाडा मुक्तीसंग्रामाची संघर्षगाथा मोठ्या पडद्यावर प्रदर्शित होत असून या नाट्य माहितीपटाचे दिग्दर्शन प्रसिध्द दिग्दर्शक दिग्पाल लांजेकर यांनी केले आहे. तसेच या नाट्य माहितीपटात सुप्रसिध्द अभिनेते अजय पुरकर, समीर धर्माधिकारी, आदिनाथ कोठारे, समीर विदांस, विक्रम गायकवाड, अभिनेत्री स्मिता शेवाळे अशा मराठी चित्रपट सृष्टीतील मान्यवर कलाकारांनी भूमिका साकारली आहे. केदार दिवेकर यांनी संगीत दिग्दर्शन, निखिल लांजेकर यांनी ध्वनी संयोजन आणि प्रतीक रेडीज यांनी कला दिग्दर्शन केले आहे.

 मराठवाडा मुक्तीसंग्रामावरती उपलब्ध पुस्तके आणि संदर्भग्रंथ यांचा सखोल अभ्यास करून ७५ मिनिटांचा हा नाट्य माहितीपट अवघ्या १२ दिवसात तयार करण्यात आला असल्याचेही डॉ. ढाकणे यांनी सांगितले.