मुंबई पोलीसमध्ये निवडीबद्दल डोंगळे यांचे कुलगुरूंकडून अभिनंदन

कोल्हापूर : शिवाजी विद्यापीठातील सुरक्षा रक्षक विश्वनाथ पांडुरंग डोंगळे यांची मुंबई पोलीसमध्ये निवड झाल्याबद्दल कुलगुरू डॉ. दिगंबर शिर्के यांच्या हस्ते ग्रंथभेट देऊन त्यांचे अभिनंदन करण्यात आले. विश्वनाथ डोंगळे हे माजी सैनिक असून ३४ मराठा फिल्ड रेजिमेंटमध्ये १७ वर्षे कार्यरत होते. देशसेवा बजावून परतल्यानंतर ते शिवाजी विद्यापीठात सुरक्षा रक्षक म्हणून ४ वर्षांपासून कार्यरत आहेत. नुकतीच त्यांची मुंबई पोलिस भरतीमध्ये कॉन्स्टेबलपदी निवड झाली आहे. त्यांच्या या निवडीबद्दल कुलगुरू डॉ. शिर्के यांच्या हस्ते ‘शिवचरित्र’ भेट देऊन त्यांचे अभिनंदन करण्यात आले. पुढील कारकीर्दीसाठी कुलगुरूंनी डोंगळे यांना मनापासून शुभेच्छा दिल्या. या प्रसंगी प्रभारी कुलसचिव डॉ. विलास शिंदे, वित्त व लेखाधिकारी अजित चौगुले आणि उपकुलसचिव डॉ. वैभव ढेरे उपस्थित होते.