मजरेवाडी खूनप्रकरणी संशयित २४ तासात एकास अटक

कोल्हापूर : शिरोळ तालुक्यामध्ये झालेल्या खुनाचा उलगडा २४ तासात तपास करण्यात कुरुंदवाड व स्थानिक गुन्हा अन्वेषण पोलिसांना यश आले आहे. मजरेवाडी (ता. शिरोळ) येथील सावकर कल्लाप्पा देबाजे (वय 35) या मेंढपाळाच्या खून प्रकरणी माळाप्पा कय्याप्पा हेग्गण्णावर (वय 25, रा.नागराळे, ता. चिक्कोडी) याला पोलिसांनी 24 तासांत अटक केली. या प्रकरणी पोलिस तपास घेत असता देबाजे याचा नातेवाईक माळाप्पा बेपत्ता असल्याचे समजले. खोलवर विचारपूस केली असता पत्नीकडे शरीरसुखाची मागणी केल्याच्या रागातून त्याने ठार केल्याची कबुली हेग्गण्णावर याने दिली.

मायाप्पा हेग्गण्णावर हा मांत्रिकाचे काम करतो. देबाजे याचे त्याच्या घरी वारंवार येणे-जाणे असल्याने त्याने मायाप्पा याच्या पत्नीकडे शरीरसुखाची मागणी केली. ही बाब मायाप्पाला समजताच त्याने त्याला ताकीद दिली होती सावकार देबाजे याला त्याचा कौटुंबिक त्रास दूर करण्यासाठी माळाप्पा याने लिंबू उतरवण्याच्या बहाण्याने घटनास्थळी नेऊन दोरीने हात पाय बांधून कुऱ्हाडीने वार करून खून केला. यामागे कारण असे कि, बेबाजे हा माळाप्पा याच्या पत्नीकडे शरीर सुखाची मागणी करत होता. त्यातून माळाप्पा व देबाजे यांच्यात वाद झाला होता. या रागातून माळाप्पा याने हे कृत्य केल्याचे पोलीस तपासात पुढे आले आहे.