या बँकेकडून तुम्हाला मिळणार जास्त व्याजदर

आयडीबीआय या बँकेनं आपल्या ग्राहकांसाठी गुडन्यूज दिली आहे. खाजगी क्षेत्रातील आयडीबीआय बँकेने 2 कोटींपेक्षा कमी असलेल्या देशांतर्गत एफडीवरील व्याजदरात वाढ केली आहे. या वाढीनंतर, बँकेने 3 वर्षे ते 5 वर्षांपर्यंतच्या विविध कालावधीवरील व्याजदरात 25 बीपीएस पर्यंत वाढ केली. बँक सध्या ७ दिवस ते १० वर्षांच्या मुदतीच्या ठेवींवर सर्वसामान्यांसाठी ३.००% ते ६.२५% आणि ज्येष्ठ नागरिकांसाठी ३.५०% ते ६.७५% व्याज देत आहे. आयडीबीआय बँक ४४४ दिवसांच्या ठेवींवर सर्वसामान्यांसाठी ७.१५% आणि ज्येष्ठ नागरिकांसाठी ७.५६% व्याजदर देत आहे. बँकेच्या अधिकृत वेबसाइटनुसार, नवीन एफडी दर १२ एप्रिल २०२३ पासून लागू होतीलबँक ७ ते ३० दिवसांत मुदतपूर्ती होणाऱ्या ठेवींवर ३% व्याजदर देत राहील, तर आयडीबीआय बँक ३१ ते ४५ दिवसांत परिपक्व होणाऱ्या ठेवींवर ३.३५% व्याजदर देत राहील. ६४ ते ९० दिवसांसाठी ठेवलेल्या ठेवींसाठी आयडीबीआय बँकेने दिलेले व्याज दर ४.२५% आणि ९१ ते ६ महिन्यांसाठी ठेवलेल्या ठेवींसाठी ४.७५ % असेच चालू राहतील.

६ महिने, १ दिवस ते १ वर्षात मॅच्युअर होणाऱ्या ठेवींवर ५.५०% व्याज मिळेल आणि १ वर्ष ते २ वर्षात मॅच्युअर होणाऱ्या FD वर ६.७५% व्याज मिळेल. बँक २ ते ३ वर्षात मुदतपूर्ती होणाऱ्या ठेवींवर ६.५०% व्याजदर देत राहील. बँकेने ३ वर्ष ते ५ वर्षांपेक्षा कमी मुदतीच्या ठेवींवरील व्याजदर ६.२५ % वरून ६.५०% पर्यंत २५ बेसिस पॉईंटने वाढवला आहे. ५ वर्षात मुदतपूर्ती होणाऱ्या कर-बचत मुदत ठेवींवर २५ बेस पॉइंट्सने ६.२५% वरून ६.५०% पर्यंत व्याजदर वाढवला आहे, तर आयडीबीआय बँक ५ वर्ष ते १० वर्षांच्या मुदतीच्या ठेवींवर 6.25% व्याजदर देत राहील.