no images were found
महाविद्यालयीन युवतीकडं पाहून अश्लील हावभाव करणाऱ्या युवकाला जमावाकडून चोप !
इचलकरंजी : एका महाविद्यालयीन युवतीकडं पाहून अश्लील हावभाव करणार्‍या युवकाला भर रस्त्यात चांगलाच चोप दिल्याची घटना कोल्हापूर जिल्ह्यात घडली आहे. इचलकरंजी बस स्थानकात 26 डिसेंबर रोजी हा प्रकार घडला. छेडछाड करणार्‍या त्या युवकाला अनेकांनी त्याला बेदम मारहाण केली. अखेर काही नागरिकांनीच त्या युवकाला बाजूला नेत पोलिसांच्या निर्भया पथकाच्या ताब्यात दिले. अनेक मुली शिक्षणासाठी बसनं प्रवास करून इचलकरंजीत येतात. महाविद्यालय सुरु होण्याच्या आणि सुटण्याच्या वेळेत इचलकरंजी बसस्थानकावर मुलींची गर्दी असते. संगमनगर परिसरात राहणार्‍या२ युवती, कॉलेज सुटल्यावर घरी जाण्यासाठी बसस्थानकात आल्या. त्यावेळी एका युवकानं त्यांच्याकडं पाहून हातवारे आणि हावभाव करत छेडछाड करण्याचा प्रयत्न केला.
त्या मुलींच्या भावानं याबाबत त्या तरूणाला विचारणा केल्यावर, तो उडवाउडवीची उत्तरं देऊ लागला. त्यामुळं युवती आणि बसस्थानकातील प्रवाशांनी त्या तरूणाला बराच चोप दिला. अखेर काही समंजस नागरीकांनीच त्या तरूणाला बाजूला करत, निर्भया पथकाच्या ताब्यात दिले .
