no images were found
सिक्कीममध्ये लष्कराची बस दरीत कोसळून १६ भारतीय जवानांचा मृत्यू; चार जखमी
गंगटोक : उत्तर सिक्कीममध्ये लष्कराचे वाहन दरीत कोसळल्याने १६ जवानांचा मृत्यू झाला आहे. तर चार जवान जखमी झाले आहेत. घटनास्थळावर पोलीस आणि लष्कराकडून बचावकार्य सुरु करण्यात आलं आहे. या घटनेत तीन कनिष्ठ अधिकारी आणि १३ जवानांचा मृत्यू झाला आहे.
शुक्रवारी सकाळी लष्कराच्या तीन गाड्या जवानांना घेऊन चट्टेनहून थांगूच्या दिशेने निघाल्या होत्या. झेमा येथे मोठ्या वळणावरील मोठ्या उतारावर चालकाचे नियंत्रण सुटल्याने जवानांची बस दरीत कोसळली. या दुर्घटनेत १६ जवानांचा मृत्यू झाला आहे. तर चार जवान जखमी झाले आहेत. ही घटना घडल्यानंतर स्थानिक पोलीसांकडून तत्काळ बचावकार्य सुरु करण्यात आलं आहे. दरीत कोसळलेल्या ४ जखमी जवानांना हेलिकॉप्टरच्या माध्यमातून बाहेर काढण्यात आलं. या घटनेत तीन कनिष्ठ अधिकारी आणि १३ जवानांचा मृत्यू झाला आहे, असं भारतीय लष्कराकडून निवेदन जारी करत सांगितलं आहे. या दुर्घटनेनंतर संरक्षण मंत्री राजनाथ सिंह यांनी ट्वीट करत शोक व्यक्त केला आहे.
