वरिष्ठ शिक्षकांना टीईटीमधून सूट द्यावी, खासदार धनंजय महाडिक यांची संसदेत मागणी खासदार धनंजय महाडिक यांनी आज संसदेत एक महत्वाचा मुद्दा उपस्थित केला. देशातील वरिष्ठ आणि अनुभवी शिक्षकांना, टीईटी म्हणजेच शिक्षक पात्रता परीक्षेच्या अनिवार्य अटीतून सूट द्यावी, अशी मागणी खासदार महाडिक यांनी संसदेत केली. २० ते २५ वर्षे सेवा केलेल्या शिक्षकांच्या अनुभवाचा आदर राखत, सरकारने याबाबत सकारात्मक निर्णय घ्यावा, असे आवाहन …

वरिष्ठ शिक्षकांना टीईटीमधून सूट द्यावी, खासदार धनंजय महाडिक यांची संसदेत मागणी खासदार धनंजय महाडिक यांनी आज संसदेत एक महत्वाचा मुद्दा उपस्थित केला. देशातील वरिष्ठ आणि अनुभवी शिक्षकांना, टीईटी म्हणजेच शिक्षक पात्रता परीक्षेच्या अनिवार्य अटीतून सूट द्यावी, अशी मागणी खासदार महाडिक यांनी संसदेत केली. २० ते २५ वर्षे सेवा केलेल्या शिक्षकांच्या अनुभवाचा आदर राखत, सरकारने याबाबत सकारात्मक निर्णय घ्यावा, असे आवाहन खासदार महाडिक यांनी केले. महाराष्ट्रातील लाखो शिक्षकांच्या जिव्हाळयाचा प्रश्‍न खासदार महाडिक यांनी देशाच्या सर्वोच्च सभागृहात उपस्थित करून, शिक्षकांना न्याय देण्याचा प्रयत्न केला. नवी दिल्लीत संसदेचे अधिवेशन सुरू आहे. त्यामध्ये आज खासदार धनंजय महाडिक यांनी, शिक्षकांच्या एका महत्वाच्या विषयाला वाचा फोडली. शिक्षणाचा अधिकार कायदा २००९ अंतर्गत, इयत्ता पहिली ते आठवीपर्यंत शिकवणार्‍या शिक्षकांसाठी, टीईटी परीक्षा अनिवार्य करण्यात आली आहे. शिक्षणाची गुणवत्ता वाढवण्यासाठी हा निर्णय घेतला असला, तरी प्रत्यक्षात टीईटी सक्तीला शिक्षक वर्गाचा विरोध आहे. अशा परिस्थितीत आज खासदार धनंजय महाडिक यांनी टीईटी परीक्षेची सरसकट सक्ती करणे योग्य नाही, असा मुद्दा संसदेत उपस्थित केला. गेल्या २० ते २५ वर्षांपासून अध्यापनाचे काम करणार्‍या शिक्षकांवर, पुन्हा टीईटी परीक्षा देण्याची सक्ती होत असल्याने त्यांच्या मनात असुरक्षिततेची भावना निर्माण होत आहे. त्यातून शिक्षकांवरील मानसिक ताण वाढत असून, सेवासुरक्षेबाबत चिंता व्यक्त होत आहे. अनेक दशकांपासून विद्यार्थ्यांना शिक्षण देणार्‍या या शिक्षकांच्या अनुभवाची सरकार दखल घेणे आवश्यक असल्याचे मत खासदार धनंजय महाडिक यांनी व्यक्त केले. ज्येष्ठ शिक्षकांच्या सेवा आणि कार्यमूल्यांकनालाच पात्रतेचे निकष मानले जावेत आणि त्यांना टीईटी परीक्षेची सक्ती करू नये, अशी मागणी खासदार महाडिक यांनी केली. सरकारने याबाबत सकारात्मक निर्णय घेतल्यास, देशातील लाखो शिक्षकांना मोठा दिलासा मिळेल, असेही खासदार महाडिक म्हणाले. महाराष्ट्रासह देशातील लाखो शिक्षकांच्या दृष्टीने अत्यंत महत्वाच्या अशा मुद्दयाकडे खासदार महाडिक यांनी केंद्र सरकारचे लक्ष वेधले आहे.  

 कृष्णराज महाडिक यांनी घेतली भाजपचे राष्ट्रीय अध्यक्ष नितीन नबीन आणि युवा मोर्चाचे राष्ट्रीय अध्यक्ष तेजस्वी सुर्या यांची नवी दिल्लीत भेट भाजप युवा मोर्चाचे प्रदेश अध्यक्ष कृष्णराज महाडिक यांनी नवी दिल्लीत भाजपचे राष्ट्रीय अध्यक्ष नितीन नबीन आणि युवा मोर्चाचे राष्ट्रीय अध्यक्ष तेजस्वी सुर्या यांची भेट घेतली. पक्ष संघटन, युवकांचे प्रश्‍न, संघटनात्मक रचना याबद्दल कृष्णराज यांनी या वरिष्ठ नेत्यांकडून माहिती घेतली. तसेच …

आरोग्य स्वच्छता, वर्कशॉप व पाणीपुरवठा विभागाच्या कामकाजामध्ये सुधारणा करण्याची गरज:नुतन स्थायी समिती सभापती विशाल शिराळे यांची अधिकाऱ्यांसोबत बैठक संपन्न कोल्हापूर, : कोल्हापूर महानगरपालिकेचे नूतन स्थायी समिती सभापती विशाल शिराळे यांनी आज महापालिकेच्या स्थायी समिती सभागृहात मुख्य अधिकाऱ्यांची बैठक घेतली. बैठकीच्या प्रारंभी त्यांनी सर्व अधिकाऱ्यांनी आपली ओळख करून देत आपापल्या विभागातील कामकाजाची माहिती सादर करण्याच्या सूचना केल्या. त्यानुसार विविध विभागांच्या अधिकाऱ्यांनी आपल्या …

महानगरपालिकेच्या अंदाजपत्रकात कोणतीही व्यावसायिक वाढ होणार नाही; नगरसेवक शारंगधर देशमुख व ॠतुराज क्षीरसागर यांची कोल्हापूर चेंबरच्या शिष्टमंडळाला ग्वाही कोल्हापूर (प्रतिनिधी): कोल्हापूर महानगरपालिकेचे सन २०२६-२७ चे बजेट (अंदाजपत्रक) लवकरच सादर होत असून सदर अंदाजपत्रकात कोणत्याही प्रकारची दरवाढ करु नये असे निवेदन कोल्हापूर चेंबर ऑफ कॉमर्स अँड इंडस्ट्रीजच्या शिष्टमंडळाने आयुक्त के. मंजूलक्ष्मी यांना दिले. शिवसेना महानगरपालिका गटनेते नगरसेवक शारंगधर देशमुख व ॠतुराज …

संसदेत महत्त्वाच्या विषयांवर बोलण्याची वेळ येते तेव्हा राहुल परदेशात असतात.       लोकसभेत अध्यक्षांविरोधात आणलेल्या अविश्वास प्रस्तावावर चर्चा होण्याचा दिवस आला तेव्हा वातावरण आधीपासूनच तापलेले होते. पण जसेच राजकारणातील चाणक्य आणि प्रत्येक विषयावर पूर्ण तयारीनिशी उभे राहणारे रणनीतिकार अमित शहा बोलण्यासाठी उभे राहिले, तसे क्षणभर संपूर्ण सभागृह शांत झाल्यासारखे वाटले. कारण संसदीय राजकारणाचे बारकाईने निरीक्षण करणाऱ्यांना हे ठाऊक असते की, जेव्हा शाह बोलण्यासाठी उभे राहतात तेव्हा ती चर्चा …

 गडहिंग्लज आणि आजरा शहरातून जाणार्‍या संकेश्‍वर ते आंबोली महामार्गामुळे वाहतूक कोंडी आणि अपघाताची तीव्रता वाढली, दोन्ही शहरांना बायपास रस्ता देण्याची खासदार धनंजय महाडिक यांची संसदेत मागणी कोल्हापूर:संकेश्‍वर ते आंबोली हा नवा कॉंक्रीटचा रस्ता पूर्ण झाला आहे. मात्र हा रस्ता गडहिंग्लज आणि आजरा शहरातून जात असल्याने, वाहतूक कोंडीसह अपघात वाढत आहेत. त्यामुळे या दोन्ही शहरात बाहय मार्ग म्हणजेच बायपास रोड तयार …

कोल्हापूर शहरातील तावडे हॉटेल ते छत्रपती शिवाजी पुलापर्यंत उड्डाण पुल उभारण्याच्या कामाला गती मिळावी, खासदार धनंजय महाडिक यांची संसदेत मागणी नवी दिल्लीत सध्या संसदेचे अधिवेशन सुरू आहे. खासदार धनंजय महाडिक यांनी कोल्हापूरला जोडणार्‍या विविध महामार्गांच्या विस्तारीकरणासाठी केंद्र सरकारने भरीव निधी दिल्याबद्दल आभार मानले. तसेच कोल्हापूर शहरातील तावडे हॉटेल ते छत्रपती शिवाजी पुलापर्यंत उड्डाण पुल उभारण्याच्या कामाला गती मिळावी, अशी मागणी …

करवीर पंचायत समितीवर पहिल्यांदाच महायुतीचा झेंडा राष्ट्रवादीचा सभापती तर उपसभापती पद भाजपकडे कोल्हापूर (प्रतिनिधी):65 वर्षांच्या काँग्रेसच्या सत्तेला सुरुंग लावत करवीर पंचायत समितीवर महायुतीने पहिल्यांदाच झेंडा फडकवला आहे. आमदार अमल महाडिक, आमदार चंद्रदीप नरके आणि जिल्हा परिषदेचे माजी अध्यक्ष राहुल पाटील यांच्या नेतृत्वाखाली पार पडलेल्या पंचायत समिती निवडणुकीत महायुतीने 24 पैकी तब्बल 16 जागा जिंकल्या होत्या. यामध्ये राष्ट्रवादी काँग्रेस पक्षाने 7, …

राज्यातील अमली पदार्थ विक्रीच्या मागील जिहादी षडयंत्राचा शोध घ्या ! सुनील घनवट, राज्य संघटक, हिंदु जनजागृती समिती मुंबई – हुपरी पंचक्रोशी, पंचतारांकीत औद्योगिक वसाहत आणि या परिसरात गेल्या काही काळात गांजा, इतर अमली पदार्थांचे प्रमाण चिंताजनकरीत्या वाढत असल्याचे निदर्शनास येत आहे. विशेषतः युवक वर्ग मोठ्या प्रमाणात या व्यसनाधीनतेच्या विळख्यात अडकत असून यामुळे त्यांच्या आरोग्यावर, शिक्षणावर तसेच समाजाच्या नैतिक आणि सामाजिक …