न्यू कॉलेज ऑफ फार्मसीमध्ये तृतीय व अंतिम वर्षाच्या विद्यार्थ्यांसाठी पालक-शिक्षक सभेचे आयोजन

Oplus_131072

न्यू कॉलेज ऑफ फार्मसीमध्ये तृतीय व अंतिम वर्षाच्या विद्यार्थ्यांसाठी पालक-शिक्षक सभेचे आयोजन
कोल्हापूर(प्रतिनिधी) : न्यू कॉलेज ऑफ फार्मसी, कोल्हापूर येथे बी. फार्मसी तृतीय वर्ष व अंतिम वर्षाच्या विद्यार्थ्यांसाठी पालक-शिक्षक सभेचे आयोजन करण्यात आले. या सभेचा मुख्य उद्देश विद्यार्थ्यांची शैक्षणिक प्रगती, महाविद्यालयातील शिस्त, परीक्षा पद्धती तसेच फार्मसी क्षेत्रातील विविध करिअरच्या संधी याबाबत पालकांना माहिती देणे हा होता.
कार्यक्रमाची सुरुवात महाविद्यालयाचे प्राचार्य डॉ. रवींद्र कुंभार सर यांच्या प्रास्ताविकाने झाली. त्यांनी पालकांचे स्वागत करून विद्यार्थ्यांच्या शैक्षणिक विकासामध्ये महाविद्यालय आणि पालक यांच्यातील समन्वयाचे महत्त्व स्पष्ट केले. विद्यार्थ्यांच्या सर्वांगीण विकासासाठी पालकांनी महाविद्यालयाशी नियमित संपर्क ठेवावा, असे आवाहन त्यांनी केले.
         यानंतर महाविद्यालयाच्या ॲकॅडमिक इन्चार्ज प्रा. प्रियांका गायकवाड यांनी महाविद्यालयाची माहिती देऊन विद्यार्थ्यांसाठी असलेले नियम व नियमावली याविषयी सविस्तर मार्गदर्शन केले. विद्यार्थ्यांची नियमित उपस्थिती, वेळेचे पालन, शैक्षणिक उपक्रमांमधील सहभाग आणि शिस्त यांचे महत्त्व त्यांनी अधोरेखित केले.
         प्रा. रोहन माने यांनी परीक्षा विभागासंदर्भात मार्गदर्शन केले. त्यांनी परीक्षा पद्धती, अंतर्गत मूल्यमापन, सत्र परीक्षा तसेच परीक्षेसंदर्भातील महत्त्वाचे नियम यांची माहिती पालकांना दिली.
        Vvतसेच प्रा. राजेश कुलकर्णी यांनी फार्मसी क्षेत्रातील विविध करिअरच्या संधींविषयी माहिती दिली. औषधनिर्माण उद्योग, संशोधन व विकास, गुणवत्ता नियंत्रण, गुणवत्ता हमी, औषध नियामक व्यवहार, रुग्णालयीन फार्मसी तसेच उच्च शिक्षण आणि संशोधन या क्षेत्रांतील उपलब्ध संधींबाबत त्यांनी विद्यार्थ्यांना व पालकांना मार्गदर्शन केले.
या सभेमुळे पालकांना विद्यार्थ्यांच्या शैक्षणिक प्रगतीविषयी, महाविद्यालयीन नियमांविषयी आणि भविष्यातील करिअरच्या संधींविषयी महत्त्वपूर्ण माहिती मिळाली. विद्यार्थ्यांच्या उज्ज्वल भविष्यासाठी पालक व शिक्षक यांच्यातील समन्वय अधिक दृढ करण्याच्या दृष्टीने ही सभा उपयुक्त ठरली.
          पालक-शिक्षक सभेच्या यशस्वी आयोजनासाठी महाविद्यालयाचे प्राचार्य, डॉ. रवींद्र कुंभार
ॲकॅडमिक इन्चार्ज आणि वर्गशिक्षिका प्रा. प्रियांका गायकवाड परीक्षा विभागप्रमुख प्रा. रोहन माने ट्रेनिंग अँड प्लेसमेंट ऑफिसर प्रा. राजेश कुलकर्णी आणि प्रोफेसर डॉ. जकी तांबोळी,तसेच सांस्कृतिक विभागप्रमुख प्रा भक्ती वाली यांनी विशेष परिश्रम घेतले. त्यांच्या नियोजनबद्ध प्रयत्नांमुळे ही सभा यशस्वीरीत्या पार पडली.