no images were found
‘सहकारी गृहनिर्माण संस्था सुव्यवस्थापन आणि तंटामुक्त अभियान‘ विषयावर सोमवारी कार्यशाळेचे आयोजन
कोल्हापूर : ‘सहकारी गृहनिर्माण संस्था सुव्यवस्थापन आणि तंटामुक्त अभियान’ या विषयावर कार्यशाळा आयोजित करण्यात आली आहे. ही कार्यशाळा सोमवार दि. 28 नोव्हेंबर रोजी दुपारी 3 वाजता तात्यासाहेब मोहिते सहकार प्रशिक्षण केंद्र, शाहू मार्केट येथे होणार असल्याची माहिती सहकारी संस्थेचे उपनिबंधक प्रकाश जगताप यांनी दिली आहे.
ही कार्यशाळा उपनिबंधक सहकारी संस्था, कोल्हापूर शहर व कोल्हापूर जिल्हा सहकारी गृहनिर्माण संस्था संघ मर्यादित, कोल्हापूर यांच्या संयुक्त विद्यमाने शहरातील सहकारी गृहनिर्माण संस्थांच्या पदाधिकारी व सभासदांसाठी आयोजित करण्यात आली आहे. कार्यशाळेमध्ये उपनिबंधक प्रकाश जगताप, जिल्हा सहकारी गृहनिर्माण संस्था संघाचे अध्यक्ष प्रा.एस.टी.जाधव मार्गदर्शन करणार आहेत. शहारातील सर्व सहकारी गृहनिर्माण संस्थांच्या पदाधिकारी व सभासदांनी कार्यशाळेस उपस्थित रहावे, असे आवाहनही श्री. जगताप यांनी केले आहे.
