सवलत योजनेचा 79064 करदात्यांनी घेतला लाभ

कोल्हापूर : कोल्हापूर महानगरपालिकेच्या वतीने शहरातील सर्व मिळकतधारकांना पोस्ट ऑफीस मार्फत सन 2022/23 या आर्थिक वर्षासाठीची सुमार 155000 इतक्या मिळकतीची देयके लागु करणेत आली आहेत. सन 2022/23 या आर्थिक वर्षामधील घरफाळा देयकाचे चालु मागणीवर 2 टक्के सवलतीचे शेवटचे 10 दिवस शिल्लक असून दि. 1 डिसेंबर 2022 पासुन सन 2022/23 आर्थिक वर्षामधील घरफाळा देयकाचे चालु मागणीवर सुध्दा दंडाची आकारणी सुरु होणार आहे.

घरफाळा विभागाकडून शहरातील मिळकत कर चालू मागणी एक रक्कमी भरणा करणाऱ्या 79064 मिळकतधारकांनी आज  अखेर दि. 1 एप्रिल ते 21 नोंव्हेबर. 2022 अखेर रु. 43 कोटी 39 लाख 36 हजार पाचशे सत्याण्णव फक्त इतका मालमत्ता कर भरणा केला आहे.  यामधील सुमारे 20614 करदात्यांनी गुगल पे, फोन पे व इतर युपीआय वॉलेट सुविधेचा लाभ घेतला आहे. चालु मागणीवरील 2 टक्के सवलत योजनेचे शेवटचे 10 दिवस शिल्लक आहेत यांचा लाभ जास्तीत जास्त मिळकतधारकांनी घ्यावा.

तरी शहरातील सर्व मिळकतधारकांनी आपल्या कराचा भरणा करुन महापालिकेस सहकार्य करावे व जास्तीत जास्त करदात्यांनी सवलत योजनेचा लाभ घ्यावा व दंडासारखा कटु प्रसंग टाळावा असे आवाहन प्रशासक डॉ.कादंबरी बलकवडे यांनी केले आहे.