उच्च व तंत्र शिक्षण मंत्री चंद्रकांत दादा पाटील यांच्या सामाजिक दायित्वाच्या भावनेतून कोल्हापुरात साकारत आहे हितैशी कौन्सिलिंग सेंटर.          

Oplus_131074

उच्च व तंत्र शिक्षण मंत्री चंद्रकांत दादा पाटील यांच्या सामाजिक दायित्वाच्या भावनेतून कोल्हापुरात साकारत आहे हितैशी कौन्सिलिंग सेंटर.                                                                           कोल्हापूर (प्रतिनिधी): राज्याचे उच्च व तंत्र शिक्षण मंत्री चंद्रकांत दादा पाटील यांच्या मार्गदर्शनाखाली कोल्हापुरात विविध सामाजिक उपक्रम राबवली जातात .समाजातील वंचित आणि उपेक्षित घटकांसाठी राबवल्या जाणाऱ्या या उपक्रमामुळे अनेकांची जीवनमान उंचावली आहे .संवेदना सोशल फाउंडेशन च्या वतीने समाजातील गरजूंना विविध प्रकारची मदत दिली जाते. समाजसेवेचा हा वारसा जपत  हितैशी कौशलिंग सेंटरच्या माध्यमातून एक नवा अध्याय दिला जात आहे.                                                                         अनेक दंपत्यांना अपत्य सुखापासून वंचित रहावे लागते .अशावेळी एखादी मूल दत्त घेऊन पालकत्वाचे सुख मिळवण्याचा त्यांचा प्रयत्न असतो. पण दत्तक प्रक्रियेतील किचकट अटी आणि अडचणींचा सामना अनेकांना करावा लागतो. दत्तक प्रक्रियेबाबत अधिकृत आणि विश्वासार्ह माहिती देण्याची गरज होऊन याबाबतचा सल्ला या सेंटर मधून देण्यात येणार आहे. तसेच स्वतःच्या मुलाबरोबर आणखीन एका अनाथ मुलाची जबाबदारी घेणे ज्याला फास्टर पॅरेटिंग असे समजले जाते , यासंदर्भातही या सेंटरच्या माध्यमातून माहिती आणि मार्गदर्शन मिळणार आहे.                                                                                                                                                            वंध्यत्व निवारण्यासाठी तज्ञांचे मार्गदर्शन तसेच कौटुंबिक कलह निवारण्यासाठी समुपदेशन हितैशी सेंटरच्या माध्यमातून मिळणार आहे .एकंदरीतच समाजातील बदलते मतप्रवाह आणि जीवनशैली यांचा अभ्यास करून गरजूंना आवश्यक सेवा देण्यासाठी हीतैशी कौन्सिलिंग सेंटर कटिबद्ध राहणार आहे .शाहूपुरीतून शहाजीराव कॉलेज समोरील विद्या प्रबोधिनी येथे हे सेंटर कार्यरत राहणार असून शनिवारी 30 मे रोजी दुपारी चार वाजता रेसिडेन्सी क्लब या ठिकाणी या सेंटरचा औपचारिक उद्घाटन सोहळा आयोजित करण्यात आला आहे.                                                                                   

            राज्याचे उच्च व तंत्र शिक्षण मंत्री चंद्रकांत दादा पाटील यांच्या हस्ते या सेंटरचे लोकार्पण होणार असून औपचारिक उद्घाटन समारंभा नंतर दत्तक प्रक्रिये बाबत वर्षा विनोद तावडे , फास्टर संकल्पनेबाबत श्रीया श्रीकांत भारतीय, वंध्यत्व निवारणाबद्दल डॉक्टर सतीश पत्की, कौटुंबिक कलह समुपदेशना बाबत ऍड.किरण खटावकर यांचे मार्गदर्शन लाभणार आहे .अशी माहिती राहुल चिकोडे, वृंदा सलगर आणि शिवानी निंबाळकर यांनी पत्रकार परिषदेत दिली .हितेशी कौशलिंग सेंटर मध्ये तज्ञ अनुभवी आणि कुशल समुपदेशक डॉक्टर कार्यरत राहणार असून निरोगी समाज निर्मितीसाठी हा उपक्रम दीपस्तंभ ठरेल असा विश्वासही यावेळी चिकोडे यांनी व्यक्त केला. या पत्रकार परिषदेला नितीन कामत ,राजकुमार पाटील, अमित लवटे उपस्थित होते.