no images were found
गौतम अदाणी बिहारमध्ये, ग्रामीण नेत्र आरोग्यासाठी सुरू करणार मोठे ‘सेवा अभियान’
- अदाणी समूह करणार अखंड ज्योति आय हॉस्पिटल, मस्तीचकला सहकार्य.
- हे सहकार्य अदाणी समूहाचे अध्यक्ष गौतम अदाणी यांच्या ‘सेवा ही साधना आहे’ या मूलमंत्राने प्रेरित आहे. यामुळे देशभरात नेत्र आरोग्य सेवांचा विस्तार आणि सामुदायिक विकासामध्ये समूहाची वाढती भागीदारी अधिक मजबूत होणार आहे.
बिहारमध्ये रविवारी देशातील सर्वात मोठ्या ग्रामीण आरोग्य कार्यक्रमांपैकी एका कार्यक्रमाची सुरुवात होणार आहे. अदाणी समूहाचे अध्यक्ष गौतम अदाणी मस्तीचक येथे पोहोचणार असून, तेथे ते भूमिपूजन करून ग्रामीण भागांसाठी नेत्र आरोग्य आणि कौशल्य विकासाशी संबंधित नव्या योजनांची पायाभरणी करणार आहेत.
हा कार्यक्रम अदाणी फाउंडेशन आणि अखंड ज्योति आय हॉस्पिटल यांच्या संयुक्त विद्यमाने आयोजित करण्यात येत आहे. याचा उद्देश स्वस्त उपचार गावागावांपर्यंत पोहोचवणे आणि विशेषतः उत्तर व मध्य भारतातील मागास भागांमध्ये अधिक चांगल्या आरोग्य सुविधा उपलब्ध करून देणे हा आहे. यासोबतच, अदाणी समूहाच्या दीर्घकालीन राष्ट्रनिर्माण आणि सामाजिक विकासाच्या दृष्टिकोनात बिहारचे वाढते महत्त्वही यामुळे अधिक दृढ होणार आहे.
मस्तीचक येथे सुरू होणाऱ्या आरोग्य योजनेमुळे सर्वसामान्य लोकांना परवडणारे उपचार, गावागावांत सेवा आणि प्रशिक्षण उपलब्ध होणार आहे. योजना पूर्ण झाल्यानंतर ती जगातील सर्वात मोठ्या ग्रामीण नेत्र चिकित्सा नेटवर्कपैकी एक म्हणून उदयास येणार आहे.
हा उपक्रम केवळ आरोग्य सुविधांपुरता मर्यादित नसून अदाणी समूहाच्या “सेवा ही साधना आहे” या मूलमंत्राशीही सुसंगत आहे. वर्ष 2022 मध्ये गौतम अदाणी यांच्या 60 व्या वाढदिवसानिमित्त त्यांच्या कुटुंबाने आरोग्य, शिक्षण आणि कौशल्य विकासासाठी 60,000 कोटी रुपयांची बांधिलकी जाहीर केली होती. त्यानंतर त्यांचे पुत्र जीत अदाणी यांच्या विवाहप्रसंगी अतिरिक्त 10,000 कोटी रुपयांच्या सामाजिक योगदानाची घोषणाही करण्यात आली होती.
महाकुंभ आणि पुरी जगन्नाथ रथयात्रेसारख्या मोठ्या धार्मिक आयोजनांमध्येही अदाणी समूहाने भोजन, स्वच्छता आणि सेवा कार्यांमध्ये मोठ्या प्रमाणात सहभाग घेतला आहे. महाकुंभ 2025 मध्ये 50 लाख भाविकांसाठी भोजन व्यवस्था आणि पुरी जगन्नाथ रथयात्रेत 40 लाख भक्तांना भोजन उपलब्ध करून देण्याचे कार्य अदाणी समूहातर्फे करण्यात आले होते.
2005 मध्ये बिहारमधील एका ग्रामीण भागात 30 खाटांच्या रुग्णालयाच्या स्वरूपात स्थापन झालेले अखंड ज्योति आय हॉस्पिटल आज देशातील आघाडीच्या नेत्र चिकित्सा संस्थांपैकी एक बनले आहे. येथे आतापर्यंत 14 लाखांहून अधिक लोकांची दृष्टी परत मिळवून देण्यात आली असून लाखो लोकांची तपासणी करण्यात आली आहे.
याच पार्श्वभूमीवर बिहारमध्ये सुरू करण्यात आलेला हा उपक्रम, सेवेला केंद्रस्थानी ठेवून करण्यात येणाऱ्या व्यापक राष्ट्रनिर्माण प्रयत्नांचा भाग मानला जात असून आरोग्य सेवा, कौशल्य विकास आणि सामाजिक पायाभूत सुविधांवर अदाणी समूहाचा वाढता भर अधिक मजबूत करणारा ठरत आहे.
अदाणी ग्रुप आणि अखंड ज्योति आय हॉस्पिटल एकत्र येऊन डोळ्यांच्या उपचार क्षेत्रात क्रांतिकारी बदल घडवू शकतात. एका बाजूला अखंड ज्योति आय हॉस्पिटल, मस्तीचक येथे आतापर्यंत 14 लाखांहून अधिक डोळ्यांच्या शस्त्रक्रिया करण्यात आल्या आहेत आणि लाखो लोकांची तपासणी झाली आहे.
दुसऱ्या बाजूला, अदाणी फाउंडेशनचा व्हिजन केअर कार्यक्रमही वेगाने पुढे जात आहे. 2024 पासून आतापर्यंत सुमारे 1.93 लाख लोकांची नेत्र तपासणी करण्यात आली असून सुमारे 59,000 लोकांना चष्मे देण्यात आले आहेत. हे काम 11 राज्यांमध्ये सुरू आहे. भारतात अंधत्व ही मोठी समस्या आहे, विशेषतः ग्रामीण आणि गरीब भागांमध्ये. या दोन्ही संस्थांच्या सहकार्यामुळे देशातील दृष्टिहीनतेच्या समस्येला प्रभावीपणे सामोरे जाता येऊ शकते.बिहारमध्ये होणारे हे नवे अभियान उपचार, प्रशिक्षण आणि परवडणाऱ्या आरोग्य सेवांना एकत्र जोडून लोकांपर्यंत पोहोचवण्याचे काम करणार आहे. यामुळे ग्रामीण भागात राहणाऱ्या लाखो लोकांना दिलासा मिळेल आणि त्यांना अधिक चांगले जीवन जगण्याची संधी उपलब्ध होईल.
