no images were found
मेगा पूल कॅम्पस प्लेसमेंट ड्राइव्ह यशस्वीरीत्या संपन्न
कोल्हापूर (प्रतिनिधी) : श्री. प्रिन्स शिवाजी मराठा बोर्डिंग हाऊस संचलित न्यू कॉलेज ऑफ फार्मसी, कोल्हापूर येथे Unichem Laboratories Limited, फाईव्ह स्टार MIDC, कागल यांच्या सहकार्याने मेगा पूल कॅम्पस प्लेसमेंट ड्राइव्हचे यशस्वी आयोजन करण्यात आले.
हा प्लेसमेंट ड्राइव्ह QC व प्रॉडक्शन (API) विभागातील अप्रेंटिस पदांसाठी आयोजित करण्यात आला होता. या उपक्रमासाठी एकूण ५० विद्यार्थ्यांनी नोंदणी केली होती. त्यापैकी ३६ विद्यार्थी मुलाखतीसाठी उपस्थित राहिले. संपूर्ण निवड प्रक्रियेनंतर २ विद्यार्थ्यांची अंतिम निवड (शॉर्टलिस्ट) करण्यात आली.
या निवड प्रक्रियेसाठी कंपनीकडून हायरिंग टीम म्हणून राहुल पाटील (HRA), भिकू साळुंखे (QC), सतीश मगदूम (Executive Operations) आणि प्रमोद परब (Executive Operations) उपस्थित होते.
या कार्यक्रमासाठी Training & Placement Officer प्रा. राजेश कुलकर्णी यांनी विशेष परिश्रम घेतले. तसेच महाविद्यालयाचे प्राचार्य डॉ. रविंद्र कुंभार यांचे मार्गदर्शन लाभले.
या मेगा प्लेसमेंट ड्राइव्हमध्ये कोल्हापूर जिल्ह्यातील गारगोटी, गडहिंग्लज, आंबप व राधानगरी तसेच सांगली जिल्ह्यातील कवठे महांकाळ येथील B.Sc., M.Sc., B. Pharm. व M. Pharm. २००२ ते २००५ या कालावधीत उत्तीर्ण झालेले उमेदवार देखील सहभागी झाले होते.
या उपक्रमामुळे विद्यार्थ्यांना उद्योग क्षेत्रातील संधी उपलब्ध झाल्या असून त्यांच्या करिअर घडविण्यासाठी हा उपक्रम अत्यंत उपयुक्त ठरला. कार्यक्रमाच्या यशस्वी आयोजनासाठी प्रशिक्षण व प्लेसमेंट विभाग तसेच सर्व शिक्षकवर्ग यांनी विशेष परिश्रम घेतले.
