अतुल देऊळगावकर यांचे विद्यापीठात सोमवारी व्याख्यान

Oplus_131072

अतुल देऊळगावकर यांचे विद्यापीठात सोमवारी व्याख्यान
कोल्हापूर (प्रतिनिधी):शिवाजी विद्यापीठाच्या पद्मश्री डॉ. ग. गो. जाधव पत्रकारिता अध्यासनात ज्येष्ठ पर्यावरण अभ्यासक अतुल देऊळगावकर यांचे सोमवार दि. 16 फेब्रुवारी रोजी सकाळी 11 वा. ‘साहित्य, संस्कृती, विज्ञान, माध्यमे आणि शाश्वत विकास’ या विषयावर विशेष व्याख्यान आयोजित केले आहे. कार्यक्रमाच्या अध्यक्षस्थानी विद्यापीठाचे कुलसचिव डॉ. विलास शिंदे आहेत.
विद्यापीठाचा हिंदी विभाग, किर्लोस्कर ऑईल इंजिन आणि लक्ष्मी फाऊंडेशन यांच्या संयुक्त विद्यमाने हा कार्यक्रम होत आहे. यावेळी हिंदी विभागाच्या प्रभारी प्रमुख प्रा. डॉ. तृप्ती करेकट्टी, अध्यासनाचे समन्वयक डॉ. शिवाजी जाधव, सामाजिक बांधिलकी अधिकारी शरद आजगेकर आणि विनायक देसाई उपस्थित राहणार आहेत. हा कार्यक्रम सर्वांसाठी खुला असून मोठ्या संख्येने यात सहभाग नोंदवावा, असे आवाहन संयोजकांनी केले आहे.