रविवारी ‘केएमटी’ची कागल उरसासाठी विशेष बससेवा

कोल्हापूर : रविवारी (ता. ३०) ला कागल येथे भरणाऱ्या श्री गहिनीनाथ उरसासाठी ‘केएमटी’तर्फे विशेष बससेवा देण्यात येणार आहे. प्रवाशांनी लाभ घ्यावा, असे आवाहन ‘केएमटी’ने केले आहे. कागल मार्गावरील बोंद्रेनगर, आपटेनगर- सुर्वेनगर- साळोखेनगर ते कागल या नियमित बससेवेसोबतच गंगावेश येथून प्रवासी उपलब्धतेनुसार रात्री साडेदहापर्यंत कागल येथे जाण्यासाठी व कागल येथून कोल्हापूर येथे येण्यासाठी रात्री साडेअकरापर्यंत जादा बससेवा देण्यात येईल. गंगावेश येथून सुटणाऱ्या गाड्या बसस्थानक- तावडे हॉटेलमार्गे कागल, बसस्थानक व रेल्वेफाटक- राजारामपुरी- शिवाजी विद्यापीठमार्गे धावतील.