no images were found
ऊसतोड मजूरांचा ट्रक पलटी होऊन १५ जण जखमी
सांगली : सांगलीजवळील जतमध्ये ऊस तोडणी मजुरांना घेऊन जाणारा ट्रक पलटी झाला. ट्रक चालकाने अचानक ब्रेक दाबल्याने गाडी पलटी होऊन झालेल्या या अपघात्तात १५ ऊसतोड मजूर जखमी झाले. जखमींमध्ये लहान मुलांचा देखील समावेश आहे. अपघातातील जखमींना मिरजेच्या शासकीय वैद्यकीय महाविद्यालयाच्या रुग्णालयामध्ये उपचारासाठी दाखल करण्यात आले आहे.
अपघातातील जखमी ऊसतोड मजूर हे बीड आणि जालना जिल्ह्यातील असून जतवरून कर्नाटक मधल्या बेळगी साखर कारखान्याकडे ते चालले होते. जतमधून काही अंतरावरावर गाडी आली असता, चालकाने अचानक ब्रेक दाबल्यामुळे ट्रक रस्त्याच्या कडेला जाऊन पलटी झाला. त्यामध्ये बसलेले १५ ऊसतोड मजूर जखमी झाले. सुदैवाने कोणत्याही प्रकारची जीवितहानी न होता ट्रक त्स्केह ऊसतोड मजुरांच्या साहित्याचे मात्र मोठो नुकसान झालेले आहे.
