no images were found
प्लॅस्टिकचा वापर करणाऱ्या तीन व्यापाऱ्यांकडून पंधरा हजार रुपये दंड वसूल
कोल्हापूर (प्रतिनिधी) : महापालिकेच्या आरोग्य विभागाच्यावतीने बाजार गेट परिसरात एकल वापर प्लॅस्टिकची तपासणी आज करण्यात आली. यावेळी बाजार गेट परिसरातील अग्रवाल कटलरी, महालक्ष्मी कटलरी व इंडिया कटलरी या व्यापाऱ्यांकडे तपासणी दरम्यान अंदाजे 200 किलो प्लॅस्टीकचा साठा आढळून आल्याने यांना प्रत्येकी 5 हजार रुपयांचा दंड करुन 3 व्यापाऱ्यांकडून रु.15 हजार इतका दंड वसूल करण्यात आला. महापालिकेच्या आरोग्य विभागाच्यावतीने शहरात एकल वापर प्लॅस्टिक बंदी मोहिमेची प्रभावी राबविण्यात येत आहे. हि मोहिम प्रशासक के.मंजूलक्ष्मी व अतिरिक्त आयुक्त राहुल रोकडे यांच्या मार्गदर्शनाखाली राबविण्यात येत आहे. आजची ही कारवाई सहाय्यक आयुक्त कृष्णा पाटील व मुख्य आरोग्य निरिक्षक डॉ.विजय पाटील यांच्या सूचनेनुसार आरोग्य निरीक्षक सुशांत कांबळे, मुकादम सुरक्षा सोहनी, वनिता सूर्यवंशी व कर्मचाऱ्यांनी केली. यावेळी या व्यापा-यसांना येथून पुढे प्लास्टिकचा वापर करु नये अशा सक्त सूचना देण्यात आल्या.
त्याचप्रमाणे राजारामपुरी परिसरातही एकल वापर प्लॅस्टिकची तपासणी करण्यात आली. यामध्ये मिरजकर पोहे सेंटर, सुनील बँगल्स व फ्लॉवर गिफ्ट हाऊस अशा तीन दुकानदारांकडून अंदाजे 20 किलो प्लॅस्टिक जप्त करण्यात आले. सदरची कारवाई सहा.आयुक्त कृष्णा पाटील, आरोग्य निरिक्षक महेश भोसले, माधवी मसुरकर, मुकादम व कर्मचाऱ्यांमार्फत करण्यात आली.
तरी महानगरपालिकेच्या हद्दीमधील सर्व आस्थापना, व्यापारी व संस्था यांनी एकल वापर (सिंगल युज) प्लॅस्टिकचा वापर बंद करणेचा आहे. जर शहरामध्ये एकल वापर (सिंगल युज) प्लॅस्टिकचा वापर करताना आढळल्यास त्या आस्थापना, संस्था व नागरीकांवर आरोग्य विभागामार्फत दंडात्मक कांरवाई करण्यात येणार आहे. तरी सर्वांनी सिंगल युज प्लॅस्टीकचा वापर टाळावा व कापडी पिशवीचा वापर करावा असे आवाहन महापालिकेच्यावतीने करण्यात आले आहे.
