no images were found
द. अमेरिकेत गोळीबारात ५ जणांचा मृत्यू
न्यूयार्क : द. अमेरिकेतील नॉर्थ कॅरोलिना राज्यात एका निवासी भागात संध्याकाळी ५ नंतर गोळीबार झाला. या गोळीबारात एका ऑफ ड्युटी पोलिसांसह ५ जणांचा मृत्यू झाला असून किमान चार जण जखमी झाल्याची माहिती महापौर मेरी-अॅन बाल्डविन यांनी दिली आहे. जखमींना तातडीने रुग्णालयात दाखल करण्यात आले असून त्यांच्यावर उपचार सुरू आहेत.
याप्रकरणी प्रशासन विभागाकडून निवेदनही जारी करून परिसरातील लोकांना अत्यावश्यक कामाशिवाय घराबाहेर पडू नये असा इशारा देण्यात आला आहे. संपूर्ण परिसरात कडक बंदोबस्त वाढवण्यात आला आहे. याशिवाय नॉर्थ कॅरोलिनाचे गव्हर्नर रॉय कूपर यांनीही या प्रकरणी शहराच्या महापौरांशी बोलून संपूर्ण परिसरात कायदा व सुव्यवस्था कडक करण्याच्या सूचना दिल्या आहेत. घटनेचा तपास सुरू असून नागरिकांना सतर्क राहण्याचा इशारा देण्यात आला आहे.
