no images were found
कोल्हापुरातील जाधव वाडी येथील मनपाच्या शाळेमध्ये प्रार्थनेवरून तणाव
कोल्हापूर(प्रतिनिधी ): कोल्हापूरतील जाधववाडी येथील प्रिन्स शिवाजी विद्यामंदीर शाळेत घडलेल्या घटनेने सध्या परिसरात तणावाचे वातावरण निर्माण झाले आहे. विद्यार्थ्यांना एका मुस्लिम प्रार्थनेचे शब्द म्हणण्यास सांगितल्याचा आरोप शिक्षकांवर करण्यात आला आहे. ही घटना दोन दिवसांपूर्वी घडली असल्याची प्राथमिक माहिती समोर आली. पण या घटनेचा व्हिडिओ सध्या सोशल मीडियावर व्हायरल झाल्यानंतर हा वाद उफाळून आला.
शाळेतील एका वर्गात विद्यार्थ्यांना ‘मेरा खुदा बडा है, रहमत करो खुदा से’ अशी प्रार्थना म्हणायला सांगण्यात आले. या प्रार्थनेमुळे काही पालक व हिंदुत्ववादी संघटनांनी आक्षेप घेत शाळेसमोर निदर्शने केली आहेत. या घटनेवरून शाळेच्या व्यवस्थापनावर आणि संबंधित शिक्षकांवर कडक कारवाईची मागणी केली जात आहे.
या घटनेनंतर शाळेसमोर मोठ्या प्रमाणात नागरिक आणि संघटनांचे कार्यकर्ते जमले आहेत. संभाव्य कायदा-सुव्यवस्थेचा प्रश्न निर्माण होऊ नये म्हणून पोलिसांनी शाळेजवळ मोठा फौजफाटा तैनात करण्यात आला होता. नागरिक शांतता राखण्यासाठी पोलिसांकडून आवाहन केले जात आहे.
