बांबवडे येथील एनसीसी छात्रसेनेच्या वार्षिक प्रशिक्षण शिबिरासाठी पुरवठादारांनी दरपत्रके सादर करावीत

कोल्हापूर: 16 महाराष्ट्र राष्ट्रीय छात्रसेना, सांगली कार्यालयामार्फत माहे 7 ते 16 नोव्हेंबर 2024 या कालावधीमध्ये बांबवडे ता. शाहुवाडी येथे 332 वे एनसीसी छात्रसेनेचे वार्षिक प्रशिक्षण शिबिर आयोजित करण्यात येणार आहे. त्यासाठी प्रतीदिन सकाळी न्याहारी, चहा, बिस्किट, दुपारचे जेवण, सायंकाळी चहा बिस्कीट व संध्याकाळी जेवण हे शिबीर अन्नश्रेणी यादी (मेनु) नुसार पुरवठा करण्यासाठी (प्रत्येक व्यक्ती प्रती दिन) खर्चाचे दरपत्रक मागविण्यात येत आहेत. इच्छुक पुरवठादारांनी दिनांक 6 नोव्हेंबर 2024 पर्यंत समादेशक अधिकारी, 16 महाराष्ट्र राष्ट्रीय छात्रसेना, कार्यालय, विश्रामबाग, विलिंग्डन कॉलेज परिसर, सांगली येथे पोहचतील अशी पाठवावीत, असे आवाहन 16 महाराष्ट्र राष्ट्रीय छात्रसेनेच्या कमांडिंग अधिकाऱ्यांनी केले आहे.