केतकी दवे  चे  पुष्पा इम्पॉसिबल मध्ये पुनरागमन

सोनी सब या वाहिनीवरील ‘पुष्पा इम्पॉसिबल’ या मालिकेत आपल्याला पुष्पा (करुणा पांडे) या दयाळू महिलेच्या हृदयस्पर्शी कथेतून दिसली आहे. जिच्याकडे सकारात्मकतेने आव्हाने पेलण्याचा दृढ निश्चय आहे. मागच्या भागात, जेव्हा पुष्पाने आई म्हणून आपल्या कर्तव्य पार पाडणे सोडले तेव्हापासून पटेल कुटुंबात फूट पडत असल्याचे प्रेक्षकांनी पाहिले. दीप्ती (गरिमा परिहार) आणि अश्विन (नवीन पंडिता) तिची आई सोनल (भक्ती राठोड) सोबत दीप्तीच्या ऑफिसने दिलेल्या घरात राहायला गेले आणि त्यांचे आयुष्य असफल झाल्याचे आपण पाहिले.

दरम्यान, पुष्पाचा पती दिलीप पटेल (जयेश मोरे) पटेल कुटुंबाला एकत्र आणण्याचा आटोकाट प्रयत्न करत आहे. पण त्याला यामध्ये फारसे यश मिळताना दिसत नाही. आगामी भागांमध्ये, प्रेक्षकांना दिलीप एक  कुंजबाला (केतकी दवे) म्हणजेच दीप्ती हिच्या आजीशी हातमिळवणी करताना दिसेल, जी नंतर त्यांच्यासोबत राहायला येते. सोनल आणि कुंजबाला यांच्या भिन्न जीवनशैलीमुळे सतत भांडण होत  असल्याचे आपल्याला मालिकेत दिसणार आहे. तर दुसरीकडे, अश्विन आणि दीप्ती यांना समजून चुकले की या घरात परत जाणे हा कधीही चांगला निर्णय नव्हता. कारण त्यांना पुष्पासोबत राहताना अशा समस्यांना तोंड द्यावे लागले नाही.

पुष्पा इम्पॉसिबलमधील कुंजबालाची भूमिका साकारणारी केतकी दवे म्हणाली,“कथेतील कुंजबाला या पात्राच्या पुनरागमनासह मी पुष्पा इम्पॉसिबलमध्ये पुन्हा काम करण्यास खूपच उत्सुक आहे. कुंजबाला ही अशी व्यक्तीरेखा आहे जिचे विचार आता बदलले आहेत. तिला आता  आधुनिक जीवनशैली नको आहे. कुटुंबाने एकत्र राहावे  म्हणून तिने दिलीप पटेल यांच्याशी हातमिळवणी केली आहे. तिची नात दीप्ती तिच्या सासऱ्यांसोबत आनंदाने राहते. मालिकेमध्ये ती एक कठोर आजी आहे. मी आतापर्यंत साकारलेली ही भूमिका माझ्या कारकिर्दीमधील अतिशय दर्जेदार आहे. मला ही भूमिका साकारायला खूप मज्जा आली. या मालिकेत माझ्या भूमिकेला एक वेगळेच वलय आहे..”