मंगेशराव कुलकर्णी स्मृती ‘पायोनियर चषक’ बुद्धिबळ स्पर्धा

कोल्हापूर(प्रतिनिधी)  :- चेस असोशिएशन कोल्हापूरच्या मान्यतेने अनयाज चेस क्लबने न्यू एज्यूकेशन सोसायटीच्या राम गणेश गडकरी सभागृहामध्ये आयोजित केलेल्या कै.मंगेशराव (गणेश) कुलकर्णी स्मृती खुल्या भव्य ‘पायोनियर चषक’ बुद्धिबळ स्पर्धा आज मोठ्या दिमाखात प्रारंभ झाल्या.या स्पर्धेसाठी पायोनियर एनर्जी मुख्य प्रायोजक असून व रोटरी क्लब ऑफ कोल्हापूर सहप्रायोजक आहेत.स्पर्धेच्या पाचव्या फेरीनंतर अग्रमानांकित आंतरराष्ट्रीय मास्टर कोल्हापूरचा सम्मेद शेटे,सहावा मानांकित सातारचा अनिकेत बापट,सातवा मानांकित सातारचा ओंकार कडव व एकवीसावा मानांकित कोल्हापूरचा वरद आठल्ये हे चौघेजण पाच गुणांसह संयुक्तपणे आघाडीवर आहेत‌.
या स्पर्धेत गोवा, हैदराबाद, सिंधुदुर्ग,सांगली, सातारा, वाई, फलटण,इस्लामपूर,मिरज ,इचलकरंजी, जयसिंगपूर, गडहिंग्लज,वारणानगर व स्थानिक कोल्हापूर येथील एकूण 156 बुद्धिबळपटू सहभागी झाले आहेत यापैकी 56 बुद्धिबळपटू आंतरराष्ट्रीय गुणांकन प्राप्त आहेत.कोल्हापूर चेंबर ऑफ कॉमर्स व इंडस्ट्रीजचे उपाध्यक्ष धनंजय दुग्गे व पायोनियर एनर्जीचे संचालक महेश कुलकर्णी यांच्या हस्ते बुद्धिबळाच्या पटावर चाल करून स्पर्धेचे उद्घाटन करण्यात आले.यावेळी व्यासपीठावर ,गोव्याचे ज्येष्ठ बुद्धिबळपटू प्रदीप कुलकर्णी, रोटरी क्लब ऑफ कोल्हापूरच्या सुनंदा गोयंका,धीरज बटेजा,नितीन कुलकर्णी,आशा कुलकर्णी,योगिता कुलकर्णी,विभूषा कुलकर्णी,धीरज वैद्य, मनीष मारुलकर,आरती मोदी,अभिजीत चव्हाण,प्रशांत पिसे, विजय सलगर व किरण शिंदे उपस्थित होते.आंतरराष्ट्रीय पंच भरत चौगुले यांनी कार्यक्रमाचे सूत्रसंचालन केले.
तृतीय मानांकित जयसिंगपूरची दिव्या पाटील व पाचवा मानांकित मिरजेचा मुदस्सर पटेल हे दोघेजण साडेचार गुणासह संयुक्तपणे द्वितीय स्थानावर आहेत.रवींद्र निकम इचलकरंजी,आयुष महाजन कोल्हापूर,सोहम खासबारदार कोल्हापूर,प्रणव पाटील कोल्हापूर,विल्सन क्रूझ गोवा,शंतनू पाटील कोल्हापूर,संतोष सरीकर इस्लामपूर,अब्दुल लतीफ हैद्राबाद, स्वरूप जोशी कागल,मानस महाडेश्वर कोल्हापूर,सर्वेश पोतदार कोल्हापूर,मनीष देशपांडे कोल्हापूर,शौर्य बगाडिया इचलकरंजी,विक्रमादित्य चव्हाण सांगली,आरव पाटील कोल्हापूर,अरीन कुलकर्णी कोल्हापूर व मन्वित कांबळे कोल्हापूर हे सतरा जण चार गुणासह संयुक्तपणे तिसऱ्या स्थानावर आहेत.