जयंती नाला संप आणि पंप हाऊस जवळील 9 आयवा डंपर फ्लोटींग मटेरियल उचलले

कोल्हापूर : जयंती नाला संप आणि पंप हाऊस जवळ नाल्याच्या ब्रीजला लागून पाण्याबरोबर वाहत आलेले फ्लोटींग मटेरियल महापालिकेच्या अरोग्य विभागाच्यावतीने उठाव करण्यात येत आहे. आज सकाळपासून जेसीबीद्वारे 9 आयवा डंपर हे फ्लोटींग मटेरियल काढण्यात आले आहे. जयंती नाल्यामध्ये महापालिकेच्या क्षेत्राबरोबर मोरेवाडी, आर.के.नगर, पाचगांव या भागातील पाणी वाहत येते. या वाहत्या बरोबर मोठया प्रमाणात फ्लोटींग मटेरियल जयंती नाला येथे वाहत आले आहे. हे मटेरियल कालपासून काढण्याचे काम महापालिकेच्यावतीने सुरु आहे. याचबरोबर पूर ओसरत असलेल्या भागामध्ये औषध व धूर फवारणीची कामही सुरु करण्यात आले आहे. सदरची मोहिम सहा.आयुक्त कृषणा पाटील यांच्या मार्गदर्शनाखाली आरोग्य विभागाच्या कर्मकचा-यांनी केली.