बाल धोरणाचा प्रारुप मसुदा तयार करा – डॉ. प्रशांत नारनवरे

कोल्हापूर :  महिला व बाल विकास विभागांर्तगत बाल धोरणाचा प्रारुप मसुदा तयार करण्यासाठी तज्ञ व्यक्ति व शासनाचे अधिकारी यांचा समावेश असलेली समिती गठीत करण्यात आली होती. प्रस्तावित महाराष्ट्र राज्य बाल धोरण व कृती आराखडा 2022 च्या संदर्भाने नागरिकांच्या हरकती व सूचना दिनांक 30 जून 2024 रोजी सायंकाळी 6.15 वाजेपर्यंत महिला व बाल विकास आयुक्तालय, 28 राणीचा बाग, जुन्या सर्किट हाऊस जवळ, पुणे-01 या पत्त्यावर अथवा childpolicy@gmail.com या ईमेल वर पाठवाव्यात, असे आवाहन पुणे महिला व बाल विकास विभागाचे आयुक्त डॉ. प्रशांत नारनवरे यांनी केले आहे.

या गठीत समितीने महाराष्ट्र राज्य बाल धोरण व कृती आराखडा 2022 मसुदा तयार केलेला आहे. प्रस्तावित बाल धोरण व कृती आराखडा 2000 हा इंग्रजी व मराठी भाषेमध्ये महाराष्ट्र शासनाच्या http://womenchild.maharashtra.gov.in व http://www.wcdcommpune.com या संकेत स्थळावर प्रसिध्द करण्यात आलेला आहे. प्रस्तावित बाल धोरण हे मुळामध्ये इंग्रजी भाषेमध्ये तयार करण्यात आले असून त्याचे मराठीमध्ये भाषांतर करण्यात आलेले आहे. या बाल धोरण व कृती आराखड्यामध्ये आवश्यक बाबी, सूचना, सुधारणा तसेच मराठी भाषेमध्ये भाषांतर करण्यात आलेल्या मसुद्यामध्ये शब्द रचना, व्याकरण या संदर्भाने हरकती व सूचना नागरिकांकडून मागविण्यात येत असल्याची माहिती जिल्हा महिला व बाल विकास अधिकारी एस.एस.वाईंगडे यांनी दिली आहे.